陳師傅點心專門店 (Moved) New Location

喺網上面見到好多人推介，位於新蒲崗嘅陳師傅點心專門店，今日終於有機會試吓😋 一試愛上啦！！！平民價錢，即叫即蒸，仲有咩好挑剔😛😛😛平時好鍾意撩棉花雞入邊嘅魚肚出嚟食，估唔到陳師傅有蒸魚肚，正合我意🤣另外醬汁鳳爪都好好食😋銀絲腸粉，好薄嘅腸粉皮再配上脆銀絲，雙重口感，超like啊🤤 可惜一定要即食先好食，如果唔係都想外賣帶返屋企！！燒賣蝦肉都大大粒，唔係偷工減料嘅燒賣😆有啲太鍾意食腸粉，2個人哎左兩個腸粉，除咗銀絲腸，仲嗌左叉燒腸😋 叉燒份量多，比較特別嘅係佢竟然會有粟米粒係入面！