Madam Saigon (Closed)

已經去過兩次，第一次係想去尖沙咀食越南菜所以揀咗呢間就腳，第二次係特登帶個朋友去試，因為覺得環境舒適食物味道幾好。Madam Saigon 係走新派路線嘅越式菜館，佢嘅裝橫好前衛，同一般傳統越式菜館唔同，行過都唔知道佢哋係賣越菜。佢哋啲服務好好，店員好有心機咁介紹佢哋個 Menu，我哋想叫兩杯飲品，但係佢就提醒我哋其實叫一 jar 會比較化算。 我哋叫左熱情菓蘆薈汁，真係有好多粒粒蘆薈。牛油雞翼出色，雞肉嫩滑，用嚟墊底嘅芋頭絲炸得好香脆，值得一試。咖哩牛腩不太辣，咖哩味好香，配蒜蓉一流。