打邊爐

Open Now

Now Closed

佐敦附近，食肆林立，見有間打邊爐嘅餐廳，出邊有唔同海鮮，好新鮮。即刻吸引咗我哋入去。入邊啲枱好大張，好有空間感。冷氣都好大，waiter好好用熱水清洗，同埋介紹咗我哋飲佢自家製嘅薏米水，同埋竹蔗茅根。兩個都好好飲！嗌咗個風沙粟米，佢用避風塘炒法，變咗粟米，個煮法好特別，配啤酒一流！叫咗個醉雞湯底，仲有安格斯牛肉，梅菜豬肉丸，帶子蝦餃，芫荽皮蛋餃，芝士腸同生蠔。個湯底好入味，好有酒味，唔需要點醬汁，都令到舊雞同埋牛肉好好味。自己就prefer 用湯底一齊食埋啲食物，咁就Perfect！安格斯牛肉，好入味，分量恰到好處。梅菜豬肉丸亦都好特別，梅菜味好足，豬肉丸入邊真係有一粒一粒嘅梅菜，必叫！鍾意食芫荽嘅朋友，有福了。好足料，仲有真係皮蛋係入邊！蠔都好大隻，好新鮮，amazing ！