餃掂手工餃子雲吞專門店

新都城買完野後想簡簡單單搵間餃子店醫肚，又來到二樓的餃掂。餃子款式好多、蒸餃煎餃仲有特別餃子壽喜燒餃子等。蔥味酸辣雲耳唔算太辣 但微微酸辣好開胃。龍鳳松茸雙湯餃$92龍鳳其實是黑白松露、加上新鮮豬肉、餡料結實飽滿、松露味好香！龍鳳湯餃餐附送狀元九鼎湯、以粉葛、順德活鯪魚、紅蘿蔔、扁豆、新皮、蜜棗、排骨等熬成、材料豐富、好濃郁、養顏保健。每次來必定要喝一碗！自家製山楂雪梨水味道好濃、秋天飲暖笠笠好滋潤。