癡膠雞 (荔枝角道)

Open Now

Now Closed

聽朋友介紹，呢間專食花膠米線的米線店。經過太子， 就黎試下佢。我叫左蟲草花花膠雞米線、金磚豆腐。蟲草花花膠雞米線 $68米線的湯底真係好好飲，有別一般的米線店，即係酸酸辣辣果隻。我可以清晒佢Ｄ湯，真係好濃郁，鹹度適中，飲得出不添加味精。米線同湯底係分開上，湯底、雞件、花膠片、蟲草花放在一人邊爐D 鍋度， 好似打梗邊爐咁。用細火keep 住個溫度，熱辣辣，飲落去真係好正，如果冬天黎食仲正呀。雞件好滑，花膠好淋，米線分量好足，如果細食D 既朋友，可以叫佢小米線呀，唔好浪費食物。金磚豆腐 $28另外，叫左金磚豆腐小食。外脆內軟，炸分又唔厚，入口即溶；調味又不會死鹹，好香口，份量足，值得推介。食物質素高，店員小姐又有禮貌，呢間小店可以再回頭呀。