canton pot (Closed)

第二黎呢到食喇，今次嗌左花膠燉響螺湯，女人要補充下骨膠原既👩🏻👩🏻👩🏻湯滾左之後店員先裝左一杯湯俾我地飲左先，試試個原汁原味😋飲落真材實料，非常養身，湯底無論係花膠或者響螺料都非常足。我地飲完一輪湯先開始打邊爐。今次嗌左芝士餃，牛肉，蝦滑，生菜。芝士餃非常特別，值得一試。其實2個人係足夠食，我地都有食剩，分量好足。呢間環境特別舒服，坐的舒服環境又好，適合朋友聚會坐係度傾計，而且店員都很nice。