Video
Read full review
2012-08-30
175 views
平時落黎多數同朋友食小炒隊啤多，見隔離台食盤菜心諗中秋都未到咁快食盤菜？同班frd戚起條筋問下太子爺有無多一份整黎食下（太子爺好Friendly，成日吹晒水咁巴打feel，香港愈來愈少呢種野又好食又有人情味既餐廳）原來隔離台都係試菜，太子爺話唔mind可以整盤細既黎試下，叫我唔好掛住食要比下分，真係幾精益求精。本身未食過盤菜，唔知原來盤菜咁有霸氣，成十九幾樣野...我地幾條佬都食唔晒...有雞有鴨有魷魚有扣肉有枝竹蝦...宜家諗起都想食，首推煎鴨﹑枝竹﹑蝦同埋最尾墊底既蘿蔔...索晒d汁真係好食痴線...食盤菜之前太子爺話要淋d秘制汁...就係比d蘿蔔索晒，蘿蔔本身又無渣，成盤差唔多我食晒咁制...成底野真材實料，連蝦都係新鮮既！死未！
原來隔離台都係試菜，太子爺話唔mind可以整盤細既黎試下，叫我唔好掛住食要比下分，真係幾精益求精。
本身未食過盤菜，唔知原來盤菜咁有霸氣，成十九幾樣野...我地幾條佬都食唔晒...有雞有鴨有魷魚有扣肉有枝竹蝦...宜家諗起都想食，首推煎鴨﹑枝竹﹑蝦同埋最尾墊底既蘿蔔...索晒d汁真係好食痴線...食盤菜之前太子爺話要淋d秘制汁...就係比d蘿蔔索晒，蘿蔔本身又無渣，成盤差唔多我食晒咁制...成底野真材實料，連蝦都係新鮮既！死未！
Other Info. :
問返太子爺無啦啦做開小菜做咩搞盤菜，原來佢老豆(肥佬德)不嬲都有整開呢款傳統既盤菜，好似話係鄉下流存落黎，唔想失傳整黎益街坊做節...問心個人覺得酒樓 o個d standard貨我真係無興趣，但呢盤每樣野食都各有特色但又唔會搶味，真係咁大個仔第一次! 食完之後睇波真係好爽! 希望你搞得成中秋叫多轉黎食啦! 祝你成功!
(The above review is the personal opinion of a user which does not represent OpenRice's point of view.)
Post
