大樹下[天后古廟]. 款客堂 (Virtual Shop)

Open Now

Now Closed

今日一行12人book左大樹下天后廟食盆菜，我們係朗屏西鐵站轉73小巴入去，唔知天氣凍凍地，其實新年時間，食左幾餐盆菜，對今次聚會期望唔高，擔心緊自己會唔會唔想食添，入到去初三唔多人，佢價錢幾抵1100，另加30就有飯有粥有糖水，任食的。盆菜外表普通，但出奇到好味，講d虾先，唔好睇佢黑黑地，用油泡仲有d椒鹽味，成隻雞，半隻燒鴨，五花腩入味食落口唔覺得肥，有冬菇，尤魚，魚蛋，蘿蔔，芋頭，豆腐卜，豬皮，鱔乾(魚乾禁)我們仲以為係咸魚添…另外送碟生菜，我們唔夠汁，問佢加水，我以為佢加水，點知佢加汁，服務真係好好，佢話現在太多地方有盆菜食，佢地少左人入去食，我們真心推介呢間，因為我們半小時清晒食物，有個女仔仲食3碗飯添!我都食左好多，唔知食左咩啦，添左飯好好味囉!