Video
Read full review
2015-11-12
1904 views
依一，兩個月都係到減肥，剩食菜機本上冇咩食肉。朋友話吊頸都要抖下氣，佢決定帶我去食返餐好，古語有云:『唔食飽D邊有力氣減肥。』 好!!比佢氹點左我破一破戒，因為我都好耐冇食返餐好。餐廳入面好寬敞好乾淨俾人一種好舒適既感覺。我地坐低之後前面有個裝左蟹仔既玻璃缸，見住D蟹仔打交好得意。店內好清靜四周食客同店員都冇發出太大聲響，慢慢享受師父為我地準備既美食。前菜甘草蘿蔔(左)、蕃茄仔(中)、日本里芋芋頭(右) : 蘿蔔好淋加左甘草既甜做點綴，里芋好香連我唔食芋頭都覺得好味。北海道真蠔 : 蠔一直都係我最愛，一見到佢咁飽滿既外型已經好興奮。蠔上面有d酸汁啫喱好特別可帶出真蠔鮮味，底部有青瓜增加口感上既層次。食完佢好滿足 真鯛(左)，真明鰹(右) : 要讚一讚師父刀工十分利害，魚生切得十分薄， 整成一碟好靚既魚生花上檯，師父講解先知原來係有兩種魚(魚身機本上一樣色，唔仔細睇都分唔到)。左邊真鯛肉質較细膩，右邊真明鰹肉質較韌，兩種魚都好新鮮陪上酸汁一流。白子 : 白子魚類既精巢，今次師父選用鱈魚白子做成一杯外型好精緻白子料理，食落十分幼滑，好似食緊溫暖蛋蛋白咁。鰹魚(上) : 師父用火槍燒熟外
依一，兩個月都係到減肥，剩食菜機本上冇咩食肉。朋友話吊頸都要抖下氣，佢決定帶我去食返餐好，古語有云:『唔食飽D邊有力氣減肥。』 好!!比佢氹點左我破一破戒，因為我都好耐冇食返餐好。
餐廳入面好寬敞好乾淨俾人一種好舒適既感覺。我地坐低之後前面有個裝左蟹仔既玻璃缸，見住D蟹仔打交好得意。店內好清靜四周食客同店員都冇發出太大聲響，慢慢享受師父為我地準備既美食。
甘草蘿蔔(左)、蕃茄仔(中)、日本里芋芋頭(右)
126 views
1 likes
0 comments
甘草蘿蔔(左)、蕃茄仔(中)、日本里芋芋頭(右) : 蘿蔔好淋加左甘草既甜做點綴，里芋好香連我唔食芋頭都覺得好味。
北海道真蠔
36 views
0 likes
0 comments
真鯛(左)，真明鰹(右)
58 views
0 likes
0 comments
白子(鱈魚精巢)
52 views
0 likes
0 comments
鰹魚(上)、鰤魚(下)
29 views
0 likes
0 comments
鰤魚(下) : 鰤魚望落好肥美，咬落無根好新鮮。
帶子紫菜(上)、西京燒金目鯛(下)
39 views
0 likes
0 comments
西京燒金目鯛(下) : 雖然表面望落有層厚厚魚油，不過食一d都唔油，有少少乾身加少少沙律醬食滋味無窮。
漬物
43 views
0 likes
0 comments
赤龍魚壽司(上)、春刀魚壽司(下)
67 views
0 likes
0 comments
春刀魚壽司(下): 師父將春刀魚切到好厚身，食落好濃油脂香味。
北海道赤海膽壽司(上)、拖羅(中)、創作壽司(下)
51 views
0 likes
0 comments
拖羅(中) : 外型好靚仔成把扇咁，拖羅入口即溶同赤醋飯好夾，師父仲預先加左酸汁一上檯就食得。
創作壽司(下) : 材料有甜蝦，碎拖羅，筋子，十分新鮮味道好複雜好難形容。
玉子(上)、魚湯(左下)、日本富柚柿(右下)
42 views
0 likes
0 comments
魚湯(左下) : 湯入面有魚肉豆腐等材料，味道較清可以清清味蕾。
日本富柚柿(右下) : 最後食返個富柚柿，清清甜甜一流。
全晚師父都好用心機做料理俾我地，又好努講解係咩魚黎(因為有幾種魚我都未聽過 )，侍應經常為我地加茶仲好好態度，環境又乾淨舒適。一位約977蚊可能會覺得貴左少少，不過食物咁新鮮好食點都要黎試一試佢
Post
