32
0
2
Level4
1.2K
17
真．玉子燒．真．好食😋
2019-09-04 923 views
有時行嚟呢邊食晏都會見到呢間便當舖，之前聽過好似出名賣玉子燒🥚，但一直無乜機會同衝動試，終於遇到外賣app有做優惠就試下啦。佢個指定便當🍱Set係皇牌吉列豬扒+玉子燒(一件)，原價話要$59😱。我見普通嘅吉列豬扒便當+玉子燒(半件)+飲品就$50，合理啲，但喺呢區再加上係外賣飯盒嚟講就比較貴。我一去到個舖位就有得拎了，店員仲幾有禮貌幾友善咁問我呢到難唔難搵😊。小店主要做外賣，係咁二得張高枱櫈，舖面有小小亂，但就貼咗好多食物相，行過的確係會留意👍🏻。返到Office就開餐喇，飯盒係有三格，一邊係吉列豬扒飯(仲搭幾條中華沙律)，另一邊就係一格玉子燒同一格醬汁(望落似空咗咁😅)。吉列豬扒🐷個炸皮就淋咗㗎喇，可能今日做promo預先要整定多啲個量啦，不過豬扒本身再點埋個吉列汁就幾好食，唔會太鞋太乾身，配飯一流。值得一讚👍🏻係便當飯係用珍珠米，真係好食啲。飯盒個份量望落似唔多，但食食下其實都夠，唯一失望係果幾條中華沙律，少到咁唔落好過。輪到玉子燒喇，呢個配角😎比主角更搶鏡，可能係一份嘅關係，都幾長幾大嚿幾厚身。佢無炙燒嘅外表同香味，但食落係超滑同甜，一層層並唔容易散開，勁好食😋。係令我絕對有衝動
Read full review
有時行嚟呢邊食晏都會見到呢間便當舖，之前聽過好似出名賣玉子燒🥚，但一直無乜機會同衝動試，終於遇到外賣app有做優惠就試下啦。佢個指定便當🍱Set係皇牌吉列豬扒+玉子燒(一件)，原價話要$59😱。我見普通嘅吉列豬扒便當+玉子燒(半件)+飲品就$50，合理啲，但喺呢區再加上係外賣飯盒嚟講就比較貴。
62 views
0 likes
0 comments
我一去到個舖位就有得拎了，店員仲幾有禮貌幾友善咁問我呢到難唔難搵😊。小店主要做外賣，係咁二得張高枱櫈，舖面有小小亂，但就貼咗好多食物相，行過的確係會留意👍🏻。
55 views
0 likes
0 comments
返到Office就開餐喇，飯盒係有三格，一邊係吉列豬扒飯(仲搭幾條中華沙律)，另一邊就係一格玉子燒同一格醬汁(望落似空咗咁😅)。吉列豬扒🐷個炸皮就淋咗㗎喇，可能今日做promo預先要整定多啲個量啦，不過豬扒本身再點埋個吉列汁就幾好食，唔會太鞋太乾身，配飯一流。值得一讚👍🏻係便當飯係用珍珠米，真係好食啲。飯盒個份量望落似唔多，但食食下其實都夠，唯一失望係果幾條中華沙律，少到咁唔落好過。
35 views
0 likes
0 comments
 輪到玉子燒喇，呢個配角😎比主角更搶鏡，可能係一份嘅關係，都幾長幾大嚿幾厚身。佢無炙燒嘅外表同香味，但食落係超滑同甜，一層層並唔容易散開，勁好食😋。係令我絕對有衝動下次經過就咁買嚟食，雖然都唔平，一件原味都好似要成$20，但都值嘅。


總括嚟講，我認為食店性價比唔高，要喺呢區站得著腳真係要加把勁，或者做多啲優惠、調整下定價。便當我就未必會再encore，但玉子燒🥚就I will be back!!!🤩
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
5 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2019-08-28
    Dining Method
    Dine In
    Spending Per Head
    $50 (Lunch)
    Recommended Dishes
    • 真．玉子燒