Video
Read full review
2024-10-18
1752 views
朋友推薦去呢度食晏，一入到去真係唔相信喺香港可以有咁樣嘅舖頭。門口有好齊整嘅麵包櫃，佢最出名係做歐式酸種麵包，麵包櫃後面係一個開放式工場，可以見到師傅喺後面搓麵團，開放式工場嘅旁邊係一個好深好大嘅堂食區，堂食區裝修好靚有好多畫寄賣，仲有座鋼琴可以畀你彈。我哋嗌咗一個Pizza Margherita同Feta cheese, avocado, seasonal fruit on sourdough，另外叫咗Americano同Masala Tea。Pizza Margherita都好香，不過唔知係咪因為佢個爐溫度唔夠高，皮底比較濕，切開會出幾多水，唔係唔好食不過同期望有啲差別。Sourdough嘅麥香好濃烈，又帶少少酸味，質地偏向有咬口，食得出係好正宗嘅歐式麵包，另外啲配料都好新鮮，整體味道好好。另外佢嘅咖啡都有唔同嘅咖啡豆可以選擇，Masala tea嘅香料味好濃，飲落好順口。佢嘅堂食區係自助形式，可以好隨便咁坐好自在咁嘆咖啡，喺香港嘅鬧市中可以享受下歐式嘅氛圍非常之唔錯。最後食完都忍唔住賣咗兩款麵包返屋企慢慢再食☺️
門口有好齊整嘅麵包櫃，佢最出名係做歐式酸種麵包，麵包櫃後面係一個開放式工場，可以見到師傅喺後面搓麵團，開放式工場嘅旁邊係一個好深好大嘅堂食區，堂食區裝修好靚有好多畫寄賣，仲有座鋼琴可以畀你彈。
我哋嗌咗一個Pizza Margherita同Feta cheese, avocado, seasonal fruit on sourdough，另外叫咗Americano同Masala Tea。
Pizza Margherita都好香，不過唔知係咪因為佢個爐溫度唔夠高，皮底比較濕，切開會出幾多水，唔係唔好食不過同期望有啲差別。
Sourdough嘅麥香好濃烈，又帶少少酸味，質地偏向有咬口，食得出係好正宗嘅歐式麵包，另外啲配料都好新鮮，整體味道好好。
另外佢嘅咖啡都有唔同嘅咖啡豆可以選擇，Masala tea嘅香料味好濃，飲落好順口。
佢嘅堂食區係自助形式，可以好隨便咁坐好自在咁嘆咖啡，喺香港嘅鬧市中可以享受下歐式嘅氛圍非常之唔錯。
最後食完都忍唔住賣咗兩款麵包返屋企慢慢再食☺️
Pizza Margherita + Americano
434 views
0 likes
0 comments
Feta cheese, avocado, seasonal fruit on Sourdough + Masala Tea
489 views
1 likes
0 comments
Miche 天然酵母鄉村麵包 + Baguette
489 views
0 likes
0 comments
Post
