Video
Read full review
2024-05-17
327 views
閒日見無乜嘢做，決定去離島行吓，啱啱過完佛誕假期，應該無咁多人，所以決定入長洲，今次利害差唔多行晒成個島主嘅主要景點，接近日落，緊係要揾食，然後歸家。 行過「海鮮街」，見佢個餐牌幾吸引，所以決定嚟呢度～新潮發海鮮菜館，點解話佢餐牌吸引？因為好多時套餐係set定幾多人，幾多隻指定餸，係無得揀，同埋食海鮮，大家一定最怕俾人「劏」到一頸血，佢呢度任你選幾多樣餸菜，就幾多錢，心諗係咪咁正？可能係份量大小之分呱。 我哋二個人揀「4款」$368～避風塘鮮魷，沙爹粉絲蟹煲，蒜蓉粉絲開邊蝦，同埋蒜蓉蒸班頭腩（呢味寫明加$30）。 避風塘鮮魷～我認知嘅避風塘炒乜炒物係有好多金蒜辣椒之類炒得好野味，呢度味道係夠，魷魚亦新鮮，但多咗好多葱同青椒（最尾張相），早知叫椒鹽鮮魷，無咁多「配菜」。 沙爹粉絲蟹煲～通常係粉絲多過蟹，俾人人都係正常諗法😅，但呢度係蟹多過粉絲，雖然係成煲蟹仔，肉唔多，我唔係「蟹民」，志在過口癮，叫做過嚟食過海鮮咁，味道一般，無我諗嘅沙爹味，勝在份量夠，我記得曾幾何時去西貢海鮮街話「米豬蓮」果間食二人嘅海鮮套餐，果碟薑蔥蟹～一隻仔，細到我都唔好意思夾
啱啱過完佛誕假期，應該無咁多人，所以決定入長洲，今次利害差唔多行晒成個島主嘅主要景點，接近日落，緊係要揾食，然後歸家。
行過「海鮮街」，見佢個餐牌幾吸引，所以決定嚟呢度～新潮發海鮮菜館，點解話佢餐牌吸引？因為好多時套餐係set定幾多人，幾多隻指定餸，係無得揀，同埋食海鮮，大家一定最怕俾人「劏」到一頸血，佢呢度任你選幾多樣餸菜，就幾多錢，心諗係咪咁正？可能係份量大小之分呱。
我哋二個人揀「4款」$368～避風塘鮮魷，沙爹粉絲蟹煲，蒜蓉粉絲開邊蝦，同埋蒜蓉蒸班頭腩（呢味寫明加$30）。
避風塘鮮魷～我認知嘅避風塘炒乜炒物係有好多金蒜辣椒之類炒得好野味，呢度味道係夠，魷魚亦新鮮，但多咗好多葱同青椒（最尾張相），早知叫椒鹽鮮魷，無咁多「配菜」。
沙爹粉絲蟹煲～通常係粉絲多過蟹，俾人人都係正常諗法😅，但呢度係蟹多過粉絲，雖然係成煲蟹仔，肉唔多，我唔係「蟹民」，志在過口癮，叫做過嚟食過海鮮咁，味道一般，無我諗嘅沙爹味，勝在份量夠，我記得曾幾何時去西貢海鮮街話「米豬蓮」果間食二人嘅海鮮套餐，果碟薑蔥蟹～一隻仔，細到我都唔好意思夾嚟食，俾女友食就算，呢度好唔好食一件事，起碼有成三隻蟹仔😂
蒜蓉開邊蒸蝦～算正正常常，粉絲可以落多啲，因為隻蝦真係太「瘦」（細隻），真係去飲茶蝦腸粉隻蝦都好「肉」過佢，勝在新鮮。
主角～蒸班頭腩～呢味最好食，唔怪得老闆係咁叫我食，佢真係無介紹錯，新鮮，厚肉，入口啖啖肉，最緊要係無「腥味」～推介。
順帶一提呢度送個～粟米魚肚羹同埋生菜，個羹雖然係送，但真係又幾好味。
二個人埋單～4個餸加支啤酒，食海鮮唔過$500，又有日落鹹蛋黃睇，要求唔高嘅話ok la,我個人覺得扺食過西貢，下次入嚟會吓第二間。
Post
