禮品印度餐廳 (Closed)

其實睇完呢度d食評都想去試好耐架喇,所以今日一家4口都一於去試試.我地8點15分到入到個間餐廳,全餐廳得我地一枱客,初初都有d怕架,但試下喇,見d食評幾好,咁我地就叫左個4人餐兼叫左個印度咖哩角,佢地上菜既速度真係有d慢,但唔緊要,因為佢地真係即叫即整既,我可以見到個d烤餅,我地一叫仲見到佢整,拿到出黎d food 都係好hot, 所以都冇咩所謂喇, 個餐我地4個食都已經好飽,我推介既係佢既咖哩角,飯同蝦。真係好好味,d飯唔同我地食開個d,長長地,個口感好特別架。我地個餐320元,咖哩角20,佢地要收加一既所以我地埋單都380 arround,但佢d service都唔錯,仲要一提既係佢最后個甜品,好特別係hot food, 用甘荀絲加左其他野,點點地咁,幾特別架。