野郎 Stone x 鰻工房 (Closed)

位於銅鑼灣一間石版燒肉，店舖雖然細細地，但係嘢食絕對一流。餐廳有一部自助點餐機，如果想用信用卡支付可以使用。餐廳佈置有一幅講解關於牛嘅部位，係選擇食燒肉時可以參考吓。寫啲嘢而且餐廳係半自助嘅形式，昆布湯同醬料都係自助任添。今次同朋友一齊食，大家各自點左一份石版燒肉，其中一份係牛板腱套餐，套餐包括左一碗飯、沙律、麵豉湯及汽水。餐廳都有介紹到食用方法，其實非常簡單。雖然睇落細細份，但係都非常之飽，而且好入味，幾乎唔需要點任何醬汁。朋友點嘅嗰份係西冷牛扒，同樣都係嗌左最細嘅份量，但係都已經夠飽。整體嘅食物質素都非常之好，分量充足，絕對值得推介。