西環碼頭 (Closed)

細細個就住在西環，雖然而家搬走左，但我都會經常約朋友在呢度聚舊。而家既西環唔同晒喇，已經在海旁附近開左好多唔同食店。有中、有西、有貴價、有平民化的。 今晚和朋友就揀左西環碼頭，傾計嘛，唔好食西餐咁拘謹。 門口出面放左好多海鮮，全部到咁生猛，真係好吸引，如果唔係我膽固醇超晒必，我一定會食晒佢地落肚！ 話就話唔食海鮮，不過一坐低我就點條魚先。首先我鐘意食魚啦，跟住冬天凍冰冰，有個爐熱住條魚喎。呢條係東升斑，魚質鮮甜軟滑，持續保溫，真係好適合冬天食。 跟住就點左隻芝麻雞，我想講，佢個皮脆卜卜，充滿油香，雞肉非常稔，連雞胸部位都好食呢。加埋特別的袖子醬，酸酸甜甜，惹味開胃！最最最重要係d芝麻，芝麻的香味令到件雞好香呢！ 最後of coz食返個飯先啦。食返個龍皇脆泡飯，入面的脆飯口感很好，啖啖有咬口，加上海鮮很足料，呢個飯好推介俾大家大。 大滿足，仲要食埋送的糖水。食到咁夜都仲有客，朋友真係無介紹錯！🤗