湯。雞

Open Now

Now Closed

宅咗大半個月，#小秘書 都係時候重新出發。早餐都未食，已經急不及待出發🤟🏼 可能太耐無出巡，消費券都未到手，已經破產😅 望吓隻錶已經差唔多四點，個肚餓到打晒鼓… 呢一刻我只係想食一啲熱辣辣嘅嘢暖吓個胃，醒起早前幫襯過商場三樓間「#湯。雞 特式雞湯粉麵店」 味道都唔錯，呢日再嚟encore😉可能已經過咗飯市，店內顧客唔多，店員安排我哋坐喺靠近門口嘅位置。專一嘅我，再一次挑戰佢哋個 #砂窩花膠湯湯翅 配 #銀針粉，等咗大概十分鐘，熱辣辣嘅砂窩終於嚟到我面前🤤 再相起上次較淡嘅湯底，今次師傅加咗 #金華火腿 落 #湯底，零舍惹味🤤 香濃嘅 #雞湯 加上銀針湯一齊入口，口感好滿足🤤 不過主角之一嘅 #雞件 🐣，我覺得有啲過火，雞嘅鮮味都已經溶晒落個湯底裡面，有啲浪費😅不過最大嘅問題，係店員習慣性用筷子夾起啲垃圾再處理，感覺有啲奇怪囉😅