80後味道 (Closed)

岩岩開，諗住試下，叫個碗仔翅同埋燒賣，燒賣就平平庸庸，同平時喺街食嘅差唔多，碗仔翅就非常之稀，見到都有啲奇怪，而且個碗個size都好細，不過又唔係好貴。個老闆解釋就話因為佢哋係做懷舊風味，咁所以碗仔翅就冇雲耳同埋剩係得好簡單嘅材料係入邊，因為懷舊嘅碗仔翅係冇咁多材料。我就覺得呢一款碗仔翅唔係好啱我口味，始終可能同平時食開有雲耳同埋冬菇等等材料嘅碗仔翅唔同，同埋個人覺得應該要杰少少先似返平時食嘅碗仔翅，碗仔翅太稀好似飲緊一碗中湯咁。