Video
Read full review
2022-03-17
105 views
之前聽朋友介紹過，話佢有濕疹問題，之後飲咗呢度嘅龜湯一段時間後，有啲改善咁啱今日經開元朗，就嚟呢度望下明明間野叫娜姐健康糖水，以為淨係得糖水賣，原來仲有蛇羹、蛇湯、龜湯同生炒糯米飯賣。今日嚟到先下晏，所以堂食唔洗拎嚟拎去，見到舖頭嘅客人多數都係外賣買走，而且好多都自攜餐盒，應該都係熟客仔嚟同老闆娘傾開計，原來龜湯有17種藥材一齊煲，有保健功效，可以清熱解毒，行氣活血，改善失眠，長期飲用可以幫助濕疹本身諗住同朋友一齊飲同一碗share，老闆娘見到就話咁樣冇效果，一定要一碗飲曬🔹 龜湯 $59保健湯湯就聽得多，龜湯真係第一次見，飲一啖已經知係勁多種藥材煲出嚟，超濃藥材味，但唔會好抗拒飲到底仲會有啲湯碎碎，真係真材實料啊！💬 龜湯功效感受：上面講咗好多描述嘅功效，我又分享下我嘅飲後感喇～飲完之後，真係成身「興」咗，成個人暖曬，我相信冬天飲會開心啲，夏天就…開冷氣留係室內飲喇🤣然後一碗其實個量都多，飲完除咗成肚湯飽飽之外，我覺得有啲眼瞓，之後真係好快瞓著😴🥱一覺就瞓到天光喇（超誇張🙄）🔹 特色芋圓鮮草 $30芋圓鮮草五彩繽紛，望到都好開心😃有黑白涼粉，大大粒煙煙韌韌芋圓，仲有水果粒粒，本身呢啲
咁啱今日經開元朗，就嚟呢度望下
明明間野叫娜姐健康糖水，以為淨係得糖水賣，原來仲有蛇羹、蛇湯、龜湯同生炒糯米飯賣。
今日嚟到先下晏，所以堂食唔洗拎嚟拎去，見到舖頭嘅客人多數都係外賣買走，而且好多都自攜餐盒，應該都係熟客仔嚟
同老闆娘傾開計，原來龜湯有17種藥材一齊煲，有保健功效，可以清熱解毒，行氣活血，改善失眠，長期飲用可以幫助濕疹
本身諗住同朋友一齊飲同一碗share，老闆娘見到就話咁樣冇效果，一定要一碗飲曬
🔹 龜湯 $59
保健湯湯就聽得多，龜湯真係第一次見，
飲一啖已經知係勁多種藥材煲出嚟，
超濃藥材味，但唔會好抗拒
飲到底仲會有啲湯碎碎，真係真材實料啊！
💬 龜湯功效感受：
上面講咗好多描述嘅功效，我又分享下我嘅飲後感喇～
飲完之後，真係成身「興」咗，成個人暖曬，我相信冬天飲會開心啲，夏天就…開冷氣留係室內飲喇🤣
然後一碗其實個量都多，飲完除咗成肚湯飽飽之外，我覺得有啲眼瞓，之後真係好快瞓著😴🥱一覺就瞓到天光喇（超誇張🙄）
🔹 特色芋圓鮮草 $30
芋圓鮮草五彩繽紛，望到都好開心😃
有黑白涼粉，大大粒煙煙韌韌芋圓，仲有水果粒粒，本身呢啲配料都係冇乜味道，要夠糖嘅調味，
我覺得食落最大分別就係嗰種甜度係自然嘅，食落一開頭第一啖反而唔係好習慣咁，心諗咦好似冇乜味嘅，食多幾啖會感覺到密糖香味，食曬成碗都唔口渴～
Post
