Video
Read full review
2012-08-16
323 views
神戶終於落戶香港，有機會品嘗神級和牛嘅滋味，實在是非常興奮及非常感恩。Nobu分別供應和牛套餐和散叫，但其實套餐裏已包含咗散叫的所有款式，所以我哋決定柯打套餐，一次過嘗盡所有和牛菜式。先嚟係二選一嘅頭盤，因為我哋一行三人，所以叫哂兩款，一同分享。先講牛肉tartar，本來tartar係呢度嘅名物，但配上微酸醬汁嘅牛肉反而無toro tartar 或者salmon tartar 咁出色。不過另一款牛肉刺身就非常美味，淋上高温芝麻檻欖油嘅牛刺身，令牛肉輕微焯熟，食落肉質嫩滑帶油香。再嚟係牛肉霜降焼，先將牛肉表面輕輕焼過，配上蔬菜及特製醬汁。呢道菜可謂全晚嘅驚嚇位，因為嗰汁實在酸到不近人情，掩蓋唒其他所有味道。可能大肚婆啱食，可惜我唔係。好彩好快就上全晚精點位，碳燒西冷和牛。表面新鮮粉嫩，油花唔多。同平時見慣嘅宮崎牛和佐賀牛有明顯分別。咬落去唔會一口都係油，肉質鬆軟。雖然肉味唔濃，但和牛就係咁，無得投訴。總括而言，係和牛中嘅極品。之後，就到和牛手握壽司同箱壓壽司。同樣非常美味。兩者比較，箱壓更加突出，因為和牛碎帶點碳焼味，中間仲夾著露荀，配合無比，好好食！最後，甜品嘅mango sorbet
神戶終於落戶香港，有機會品嘗神級和牛嘅滋味，實在是非常興奮及非常感恩。
Nobu分別供應和牛套餐和散叫，但其實套餐裏已包含咗散叫的所有款式，所以我哋決定柯打套餐，一次過嘗盡所有和牛菜式。
先嚟係二選一嘅頭盤，因為我哋一行三人，所以叫哂兩款，一同分享。先講牛肉tartar，本來tartar係呢度嘅名物，但配上微酸醬汁嘅牛肉反而無toro tartar 或者salmon tartar 咁出色。不過另一款牛肉刺身就非常美味，淋上高温芝麻檻欖油嘅牛刺身，令牛肉輕微焯熟，食落肉質嫩滑帶油香。
再嚟係牛肉霜降焼，先將牛肉表面輕輕焼過，配上蔬菜及特製醬汁。呢道菜可謂全晚嘅驚嚇位，因為嗰汁實在酸到不近人情，掩蓋唒其他所有味道。可能大肚婆啱食，可惜我唔係。
好彩好快就上全晚精點位，碳燒西冷和牛。表面新鮮粉嫩，油花唔多。同平時見慣嘅宮崎牛和佐賀牛有明顯分別。咬落去唔會一口都係油，肉質鬆軟。雖然肉味唔濃，但和牛就係咁，無得投訴。總括而言，係和牛中嘅極品。
之後，就到和牛手握壽司同箱壓壽司。同樣非常美味。兩者比較，箱壓更加突出，因為和牛碎帶點碳焼味，中間仲夾著露荀，配合無比，好好食！
最後，甜品嘅mango sorbet 同鮮果盒，同樣令人驚喜。盒內有多款水果，大部分嚟自日本，全部鮮甜多汁，高質素不欺場。
盛宴過後，仲有少少空腹感，再叫多個chocolate bento嚟填補一下。好彩份量夠，食埋就啱啱好。
Post
