豪大大雞排

Open Now

Now Closed

其實本身都冇咩期望，因為MK 果間都俾人插得太多，加上我去台灣都已經唔食豪大大(要揀一定揀三姐妹)。但人係犯賤，見到有人排隊又忍唔住走去買0左件。唔買都算，買完就真係把幾火。基本上除0左個袋同D撤粉似台灣之外，根本冇樣似。叫0左雞排，皮肉分離，肉鞋又重雪味(預0左有，但估唔到咁重)。希望未食過台灣果間0既朋友唔好以為呢D 係雞排，基本上香港好多地方0既炸雞(唔係台式)都好味過佢多多聲。可惜0既係唯一一間係紅磡似樣0既台式小食(唔係我愛XX)已經執了。點解香港咁多好0野就執下一間執下一間，有D 冇乜特別0既又係傳媒效應下越做越有。唉睇黎又係時候去台灣一趟了。