Video
Read full review
2007-09-09
9 views
小肥:呢間店係開O係條巷仔內裏面, 可能係咁, 就算晚飯時間出面德民街企滿o係其他食店等位o既人都好, o係呢度都實有枱.呢度舖仔細細, 人手又唔多, 但因為枱數目唔多, 一D都唔會覺得迫, 而且客人唔多, 靜靜地加上暗暗o既環境感覺都唔錯呀! Service都係好似平時咁, 細心又週到! 食物方便, 我地今晚都選o左set dinner, appetizer 我要o左煙三文魚凱撒沙律, D菜好新鮮, 汁唔多夠但感覺好fresh! 湯要o左意大利雜菜湯, 好多料, 好清但又唔會過淡, 完全唔見一點油浮面tim! 主菜我要o左黑椒汁鴕鳥扒串燒, 駝鳥燒得o岩o岩好, 又好焾, 炭燒令到d肉跟本唔洗點黑椒汁都好有味! 配菜方面有露筍, 小黃瓜, 同矮瓜, 都係燒過o既, 另外重有好脆同食落好有質感o既薯條! 食完已經好滿足啦!最後重另外加多$25要多個朱古力軟心蛋糕同大肥share o黎食! 呢個甜品係我地每次o黎都必叫o既. 雖然呢度o既質素不太穩定, 但今次就比上次好味好多. 蛋糕係暖暖o既, 表面有d脆, 裏面就係香濃o既朱古力醬, 一咭穿個蛋糕就湧出o黎, 伴住vanilla 雪糕
呢間店係開O係條巷仔內裏面, 可能係咁, 就算晚飯時間出面德民街企滿o係其他食店等位o既人都好, o係呢度都實有枱.
呢度舖仔細細, 人手又唔多, 但因為枱數目唔多, 一D都唔會覺得迫, 而且客人唔多, 靜靜地加上暗暗o既環境感覺都唔錯呀! Service都係好似平時咁, 細心又週到!
食物方便, 我地今晚都選o左set dinner, appetizer 我要o左煙三文魚凱撒沙律, D菜好新鮮, 汁唔多夠但感覺好fresh! 湯要o左意大利雜菜湯, 好多料, 好清但又唔會過淡, 完全唔見一點油浮面tim! 主菜我要o左黑椒汁鴕鳥扒串燒, 駝鳥燒得o岩o岩好, 又好焾, 炭燒令到d肉跟本唔洗點黑椒汁都好有味! 配菜方面有露筍, 小黃瓜, 同矮瓜, 都係燒過o既, 另外重有好脆同食落好有質感o既薯條! 食完已經好滿足啦!
最後重另外加多$25要多個朱古力軟心蛋糕同大肥share o黎食! 呢個甜品係我地每次o黎都必叫o既. 雖然呢度o既質素不太穩定, 但今次就比上次好味好多. 蛋糕係暖暖o既, 表面有d脆, 裏面就係香濃o既朱古力醬, 一咭穿個蛋糕就湧出o黎, 伴住vanilla 雪糕球o黎食, 好正呀! 我地食到一丁點都冇剩呀!
p.s. 大肥講起intercontinental the steak house o既朱古力軟心蛋糕, hehe, 其實我同佢一樣都好懷念呀! 但o個晚the steak house 個蛋糕特別好食, 係因為o個晚係我地最sweet sweet o既一晚o者~
大肥:
哩間餐廳我同小肥都食過好幾次，除左喜愛佢既朱古力心太軟外，都仲欣賞佢既格調同感覺。哩間餐廳雖然位處橫街，識得黎食既人唔多，而且價錢又較附近既餐廳略高，但當你一入到間餐廳度，就會覺得好舒服，裝潢簡約，燈光柔和，又唔會太嘈雜，招呼亦恰到，野食又吸引，如果有興趣既朋友真係可以一試。
首先佢每晚都會有Set dinner，通常set dinner會抵D，今次我就叫左蠔同螺做前菜，湯就叫左忌廉湯，主菜方面就叫左紐西蘭肉眼扒。首先蠔同螺方面就唔太特別，可能係因為當佢前菜啦，我諗散叫會好D，蠔殼就大隻，但蠔就細，個螺就正常size不過味道唔夠鮮甜。忌廉湯就做得幾好，非常多料，不過如果可以濃少少就更好，而個餐包都好好味。主菜既肉眼扒亦做到我想要既medium，但又唔會血淋淋，加上用碳燒方法得宜，將肉汁鎖住，感覺肉質嫰滑。配菜既薯條亦炸得好好食，到我食完成塊扒之後再食薯條都仍然好脆，而且好符合我食薯條既要求，就係要有一定既鹹度，薯條唔鹹係唔好食架!! 到最後食甜品，朱古力心太軟配o雲喱o拿雪糕，一冷一熱既感覺非但唔會令人無所適從，反而感覺好刺激，雪糕我就無乜研究，都係咁啦，但蛋糕就好好味，聽過做哩種心太軟蛋糕都要有番咁上下技巧，外面既朱古力蛋糕略為硬身，朱古力味適中，亦因為佢既味道唔會太濃，咁先食得出佢內裡既朱古力漿味道既分別，朱古力漿朱古力味十分濃，而且黏度適中，一軟一硬對比強烈，非常好味。餐茶凍檸茶，當然會茶餐廳好味D。哈哈!! 但總體哩度都真係值得推介。
Post