南小館Plus (Closed)

小弟好鍾意食中菜既，南小館係其中一間我成日去既中菜餐廳，味道價錢服務咁耐都算keep到既。但今日我先知原來有間南小館plus！咁橋同友人聚會，所以我就私心提議黎呢一間試吓啦！本身無唸過寫食評，所以圖片比較少，希望大家唔好介意南小館四小拼 (口水川雞，花雕白雞，糖醋排骨，涼拌豬耳) 未必要配呢四樣嫁，佢有其他簡呢個四小拼抵到爛！唔係外面平時啲前菜得小小，分量非常合理！又唔會凍到好似剛剛係冰櫃拎出黎咁！口水川雞，辣度同麻度剛好！又滑又好食！花雕白雞一樣啦！仲有酒香加乘排骨同豬耳都算ok鮮肉小籠包 如果有睇開我食評都知最愛鼎x豐小籠包，呢一個雖然未去到呢個級數，但都算唔錯！黑金流沙包正正常常啦，熱辣辣既黎到秘製黑豚肉配滷蛋本身黎到望到以為會好肥好膩，食落又唔係喎以平價版東坡肉，滷蛋就無乜特別ok啦排骨湯麵排骨炸得唔錯，肉質鮮美，係比較細件麵同湯底都係ok既 但有隻糖心蛋有啲驚喜！總結，埋單好似都係四百幾 嗌咁多野 三個人食仲要係希慎！我覺得plus唔錯，希望keep住個質素同開多幾間plus啦！私心推介俾大家