Video
Read full review
2021-11-17
38 views
✅私心推介，最有heart 中菜晤係朋友地膽帶我嚟都唔知廣東道有一間樓上中菜，裝修華麗，企理乾淨，侍應姐姐服務周到，係香港地邊度搵呀？今日叫咗個黑松露二人套餐$380/2，真心性價比高❤️花膠竹笙濃雞湯好有屋企嘅感覺，花膠湯夠晒足料，每碗湯都有花膠，竹笙，雞件，絕不馬虎！❤️黑松露手撕雞黑松露手撕雞配搭好新穎，黑松露醬好香，高貴，原來配手撕雞可以咁夾，配埋青瓜絲10分開胃！❤️蟹子粉絲煲勁多孩子一啲都唔孤寒，粉絲煲超有鑊氣，熱辣辣用煲上，簡單嘅食材用大師級嘅煮法，無得輸！❤️黑松露蝦仁炒滑蛋蝦仁炒蛋食得多，黑松露炒蛋都食過，但係黑松露蝦仁炒滑蛋真係第一次！原來西式食材用中式嘅做法既新穎又好夾，炒滑蛋好睇師傅嘅手勢，呢度嘅炒蛋炒得好滑唔會太熟，加埋大量黑松露醬同埋香蔥，簡直係白飯神偷！❤️黑松露野菌肉絲會伊麵黑松露味好重，伊麵夠晒鑊氣！份量極多，呢個二人套餐認真超值！❤️綠豆沙套餐仲送埋綠豆沙，我不嬲都唔食綠豆沙，但係見到個個都食哂，試咗一啖發現原來綠豆沙可以咁好食，超級足料有勁多海帶，綠豆，同平時食嘅完全唔一樣，甜到剛剛好，綠豆沙必食！❤️清燉牛肉湯牛丸$48另外追加左牛肉湯牛丸，呢度寫明唔好食包退
晤係朋友地膽帶我嚟都唔知廣東道有一間樓上中菜，裝修華麗，企理乾淨，侍應姐姐服務周到，係香港地邊度搵呀？
今日叫咗個黑松露二人套餐$380/2，真心性價比高
❤️花膠竹笙濃雞湯
好有屋企嘅感覺，花膠湯夠晒足料，每碗湯都有花膠，竹笙，雞件，絕不馬虎！
❤️黑松露手撕雞
黑松露手撕雞配搭好新穎，黑松露醬好香，高貴，原來配手撕雞可以咁夾，配埋青瓜絲10分開胃！
❤️蟹子粉絲煲
勁多孩子一啲都唔孤寒，粉絲煲超有鑊氣，熱辣辣用煲上，簡單嘅食材用大師級嘅煮法，無得輸！
❤️黑松露蝦仁炒滑蛋
蝦仁炒蛋食得多，黑松露炒蛋都食過，但係黑松露蝦仁炒滑蛋真係第一次！原來西式食材用中式嘅做法既新穎又好夾，炒滑蛋好睇師傅嘅手勢，呢度嘅炒蛋炒得好滑唔會太熟，加埋大量黑松露醬同埋香蔥，簡直係白飯神偷！
❤️黑松露野菌肉絲會伊麵
黑松露味好重，伊麵夠晒鑊氣！份量極多，呢個二人套餐認真超值！
❤️綠豆沙
套餐仲送埋綠豆沙，我不嬲都唔食綠豆沙，但係見到個個都食哂，試咗一啖發現原來綠豆沙可以咁好食，超級足料有勁多海帶，綠豆，同平時食嘅完全唔一樣，甜到剛剛好，綠豆沙必食！
❤️清燉牛肉湯牛丸$48
另外追加左牛肉湯牛丸，呢度寫明唔好食包退貨，梗係要試吓佢咩料只啦！牛丸10分彈牙，配埋冬菜
，整個湯底真係冇得挑剔，呢碗丸真係全滿數一數二，大推！
❤️樽仔絲襪奶茶
超香滑，茶味夠濃，好好飲呀！
鐘意呢到裝修企理，店員會耐心介紹，呢度有晤同款辣椒油係免費供應，食牛丸是時店員介紹我哋用麻辣油，超夾！呢度仲有好出名嘅台灣牛肉麵同埋打邊爐，下次再嚟試吓先！呢間野私心推介記得bookmark!
中國廚房/台灣牛肉麵 (尖沙咀)
尖沙咀廣東道122-126號中港中心5-6樓
Post
