Video
Read full review
2023-11-26
1041 views
秋冬季節，加上最近流感肆虐，大家要小心身體。新興棧食家鄰近佐敦站同廟街，店外長期有人輪候堂食或外賣。名氣十足之餘，佢嘅生滾粥都鑊氣十足，風味鮮味兼具。兩次堂食，分別試咗魚雲粥、魚咀粥、魚腩魚卜粥同魚腩及第粥，價錢比一般粥店貴，但份量同配菜都絕唔馬虎，啖啖肉咁濟。半開放式嘅廚房見到非常粗獷嘅佈置，好似大排檔咁鑊氣滾粥，可謂罕見，的確堆滿期望值。總結一下佢畀我嘅感受。鮮: 靚貨鮮魚滾出嚟嘅粥，令人估唔到喺佐敦都食到荔灣風情，當然可能有落味精提升鮮味，但至少我食完成碗粥都唔覺口渴。焦: 如果搵一款粥配搭泥煤威士忌，可能就係佢，每一啖粥除咗魚鮮，仲可以感受焦香同炭火嘅暗示，呢樣喺「煲粥」搵唔到。葱: 「魚鮮」、「生滾」兩位主角領銜演出，連配角嘅青葱都搏命搶鏡，為風味飽滿嘅粥加入清爽嘅氣息，形成三方鼎立嘅局面。兩次經驗中發現，如果你有同行朋友或伴侶一齊食，你好似我咁食完有兩款或多款配料嘅粥，再試單一配料嘅粥，會發現風味嘅層次真係會有啲遠，想試吓佢最有表現力嘅味道，嗌多樣餸更稱心。新興棧嘅粥十分出色，可以一試再試，當然小店關係，比較注重衛生和環境迫夾問題嘅朋友要適應吓。嚟緊都會寫更多嘅食評，希望大
兩次堂食，分別試咗魚雲粥、魚咀粥、魚腩魚卜粥同魚腩及第粥，價錢比一般粥店貴，但份量同配菜都絕唔馬虎，啖啖肉咁濟。半開放式嘅廚房見到非常粗獷嘅佈置，好似大排檔咁鑊氣滾粥，可謂罕見，的確堆滿期望值。總結一下佢畀我嘅感受。
鮮: 靚貨鮮魚滾出嚟嘅粥，令人估唔到喺佐敦都食到荔灣風情，當然可能有落味精提升鮮味，但至少我食完成碗粥都唔覺口渴。
焦: 如果搵一款粥配搭泥煤威士忌，可能就係佢，每一啖粥除咗魚鮮，仲可以感受焦香同炭火嘅暗示，呢樣喺「煲粥」搵唔到。
葱: 「魚鮮」、「生滾」兩位主角領銜演出，連配角嘅青葱都搏命搶鏡，為風味飽滿嘅粥加入清爽嘅氣息，形成三方鼎立嘅局面。
兩次經驗中發現，如果你有同行朋友或伴侶一齊食，你好似我咁食完有兩款或多款配料嘅粥，再試單一配料嘅粥，會發現風味嘅層次真係會有啲遠，想試吓佢最有表現力嘅味道，嗌多樣餸更稱心。
新興棧嘅粥十分出色，可以一試再試，當然小店關係，比較注重衛生和環境迫夾問題嘅朋友要適應吓。
嚟緊都會寫更多嘅食評，希望大家睇完follow我哋啦。
Post
