燉 (Closed)

秋冬季節好想飲吓老火湯或者燉湯滋潤一吓， 日日都忙，邊有時間自己搞?！ 早幾日去開荔枝角， 一出地鐵就見到呢間舖，招牌有個燉字。門口仲貼住靚仔老細楊明嘅海報，我就行入去八吓。舖仔細細，清潔企理。舖如其名，就係以燉品為主打，淨係燉湯有成十幾款，$48至$88, 豐儉由人。見到呢3個堅持，我決定俾個機會大家，對於佢係一單生意，對於我可能係揾到一間好店，何樂而不為？！😚🔸️花膠螺頭燉雞 $68 😋等咗一陣，一盅熱辣辣嘅燉湯捧到面前，打開蓋，即刻聞到香味。心理作用，未飲都覺得潤。😁用料都幾足吓，有准山、子、紅棗、瘦肉，當然仲有主角，就係花膠同鷄啦 。要讚吓，個湯唔會有一層油封係面，可能啲鷄剝咗皮先煲，冇咁油膩 ; 嗰湯好清甜，份量足2碗，滋味又滋潤。呢度除咗有燉湯，仲有3種燉甜品。今日晏啲約有飯局，唔可以食太多，我見旁邊啲人食飯，啲餸賣相幾吸引，下次會試吓。