鄧記川菜

Open Now

Now Closed

秋意漸濃，蟹季又到啦！今晚黎到鄧記川菜品嚐年度【蟹味盛宴】，有齊多款以蟹入饌既頂級美饌，享受特色菜式，與好友們一齊談天說地，蟹味滿載，笑聲滿滿～享受美食前，先到鄧記川菜室外位置，欣賞醉人夜景，180度飽覽維港景色！「蟹味盛宴」 大閘蟹套餐，每位$828 /2位起涼拌墨魚墨魚鮮嫩有嚼勁，混合特製醬汁，味濃獨特，簡單又滋味。鮮椒子薑牛舌牛舌爽脆有彈性，混以鮮椒、子薑，集鮮香辣於一身，口感豐富。蒜汁秋葵秋葵新鮮帶點黏汁，加入蒜汁醒胃又養生，蒜香味重夠哂惹味！ 海椰皇燉玉竹老雞秋冬季節特別乾燥，飲返碗保健湯水就岩哂～老雞湯潤肺清燥、滋陰補虛，湯頭清甜而不膩，絕對係秋冬必備滋潤湯水！清蒸大閘蟹金黃色蟹膏甘香鮮甜，口感滑順，賣相非常吸引呢！新鮮蟹肉爽甜鮮美，啖啖肉清甜又結實，食落肉質細緻富有彈性！以清蒸製法更能嚐到其鮮香味！蟹粉豆苗濃濃蟹粉配當造豆苗，極級鮮甜、油香撲鼻，豆苗清爽翠嫩～和牛粒麻婆豆腐一口和牛粒肉質細嫩，配上細密油花，軟腍又惹味！麻婆豆腐油香氣濃，口感軟嫩滑溜，相當惹味！花膠蟹粉拌麵特濃蟹粉配厚身花膠，高級膠原蛋白，骨膠原十足，女士們大愛！！麵質幼細滑溜，拌以濃濃蟹粉、花膠，口感豐富