Video
Read full review
2024-10-04
294 views
唔經唔覺已經進入秋天，但天氣依然非常炎熱，所以行行吓街都頂唔順，要嚟八時神仙草食返個仙草冰冰再唞唞～ 望住menu, 有多款季節限定口味，好多選擇～ 最後揀咗其中嘅愛玉系列（季節限定）， 分別係青檸愛玉嫩仙草盛盤、白苦瓜愛玉嫩仙草盛盤～ 盛盤份量剛剛好，冰唔會太多，但有透心涼又滑捋捋嘅仙草凍同愛玉，消解熱氣🤍 而青檸同白苦瓜盛盤嘅分別係拌漿唔同～ 青檸漿酸甜酸甜好醒神，而白苦瓜漿並無好苦，只有微甘嘅苦瓜香味，食完身心感覺都好健康，零罪惡😁 況且愛玉零卡，食多都唔怕～ 除咗主盤愛玉仙草冰之外，仲跟配小碗紅豆、紫米、地瓜圓、芋圓甜食～ 就咁食或拌冰食都一樣咁正😋青檸愛玉嫩仙草盛盤 ⭐️⭐️⭐️⭐️⭐️白苦瓜愛玉嫩仙草盛盤 ⭐️⭐️⭐️⭐️⭐️
唔經唔覺已經進入秋天，但天氣依然非常炎熱，所以行行吓街都頂唔順，要嚟八時神仙草食返個仙草冰冰再唞唞～ 望住menu, 有多款季節限定口味，好多選擇～
最後揀咗其中嘅愛玉系列（季節限定）， 分別係青檸愛玉嫩仙草盛盤、白苦瓜愛玉嫩仙草盛盤～
盛盤份量剛剛好，冰唔會太多，但有透心涼又滑捋捋嘅仙草凍同愛玉，消解熱氣🤍 而青檸同白苦瓜盛盤嘅分別係拌漿唔同～ 青檸漿酸甜酸甜好醒神，而白苦瓜漿並無好苦，只有微甘嘅苦瓜香味，食完身心感覺都好健康，零罪惡😁 況且愛玉零卡，食多都唔怕～
除咗主盤愛玉仙草冰之外，仲跟配小碗紅豆、紫米、地瓜圓、芋圓甜食～ 就咁食或拌冰食都一樣咁正😋
青檸愛玉嫩仙草盛盤 ⭐️⭐️⭐️⭐️⭐️
白苦瓜愛玉嫩仙草盛盤 ⭐️⭐️⭐️⭐️⭐️
Post
