秋田和風蟹宴鍋物料理 (Closed)

今日最 frd 既同事 last day，last day 果餐梗係要食好d慶祝啦~所以就黎到灣仔QRE Plaza 10樓食餐好，佢最中意食日本野，所以就帶佢黎到秋田和風蟹宴鍋物料理～一坐低睇下個 menu 先，以灣仔區黎講，佢地既日本魚生丼套餐價錢都好合理～套餐有：麵豉湯、蒸蛋、沙律、豆腐、餐茶及雪糕，講真我唔覺得貴既！ 我就叫左個海膽、三文魚子、吞拿魚蓉丼 ♥賣相極之吸引，三文魚子粒粒都晶瑩剔透，吞拿魚份量勁多，海膽又新鮮！一路食，一路都覺得有滿瀉既感覺～ 真心唔錯，值得推介 =] 而朋友就叫左個松葉蟹鮮魚湯稻庭烏冬～松葉蟹勁大隻，而且蟹肉亦好多；朋友話個魚湯都好鮮甜，唔覺有味精！而稻庭烏冬更加係爽滑、彈口，10分滿分有 9 分，對佢有好高既評價 =] 最後一人一杯餐茶，點左熱檸水同咖啡～ 臨尾仲有濃濃既綠茶雪糕，好滿足！Overall 大家都好滿意，服務又好，不停會加熱茶，仲主動問幾時要甜品～