十二味 (LADDER Dundas) (Closed)

旺角彌敦道575號二樓有一間叫十二味嘅飯店 朋友話試過好好味 。今日不想煮飯便去買個晚飯外賣回家。叫咗個秘制醬香鍋唔辣嘅。加咗嫩牛肉、臺灣魚腐、鮮腐竹、年糕同埋木耳。個分量非常之多，足夠兩個成人食。醬汁非常之有特色，豉油非常之好味唔會太鹹，鮮腐竹、木耳、年糕索曬啲醬汁，食到嘴舐舐 。仲有嫩牛肉原汁原味配飯一流，魚腐都好好食。今次因為媽媽不吃辣試咗唔辣嘅。下次一定要試下辣嘅，一定很吸引。我覺得黯然銷魂炒飯非常之有驚喜，比大酒樓炒嘅更好吃。飯係一粒一粒嘅，唔會太硬亦唔會好腍。有鑊氣嘅炒飯。飯有紅蘿蔔粒、豆角粒、肉、蝦粒，仲有蛋。啲蝦都好鮮甜喎，炒飯食落去唔會覺得肥膩膩。下次會再嚟食過啲炒飯，同埋試下佢嘅名菜酸菜魚。