Arm Coffee

Open Now

Now Closed

星期日行完山搭車出返西貢市中心正好肚餓，喺市場街來回行咗幾次決定試吓呢間新開嘅cafe。望住個餐牌三心兩意揀咗好耐最後決定要無Black Truffle Toast。飲品選擇頗多。天氣熱本身想飲杯iced latte但見好似好細杯應該唔夠我消暑最後叫咗杯Berries Yogurt Smoothie，價錢稍為偏貴，唔知味道點呢～等嘢食期間突然一陣機器聲劃破寧靜，心諗應該係打緊我杯smoothie🤣不過聲音實在同氣氛有啲格格不入⋯果然轉頭就送到杯Smoothie ，坦白講以呢個價錢嚟講份量可以再多啲⋯不過好彩味道唔錯都好足料，食到好多berries籽😂飲住杯Smoothie 一路欣賞吓cafe環境。等咗一陣，主菜嚟啦～一上枱滑蛋仍在冒煙，而且轉嚟陣陣黑松露香味，令人食指大動👍🏻熱辣辣嘅滑蛋，配合黑松露香，再加上烘烤得外脆內軟嘅多士，真係令人食完一啖忍唔再食多幾啖。杯飲品雖然有少少平凡，但呢個多士真係令我好有驚喜！因為呢個多士，即刻覺得今餐好滿足😋總括嚟講嘢食好食但嘢杯就價錢稍貴。