蘇杭冰室

Open Now

Now Closed

平安夜親大家有時間放假之前出嚟傾埋啲嘢佢，所以快快脆脆約咗個朋友平安夜下午茶嚮旺角搵間餐廳就算，行過見到呢間蘇杭冰室二話不說就入咗去嘞，因為係平安夜嘅關係，所以除咗下午茶之外基本上都冇乜嘢可以選擇，跟住已經係聖誕大餐，不過基本下午茶已經足夠。兩個都係嗌咗炸雞髀配薯條，同埋紅豆冰。薯條方面本身已經有啲味響度，所以唔使落茄汁都可以，落埋茄汁會再香啲。 炸雞髀都炸得幾好，唯獨是隻雞髀冇咗個柄，所以要用刀叉嚟享受，唔可以好似平時咁攞啲紙巾包住條骨用手嚟食，不過味道方面係幾好嘅。紅豆冰都有傳統嘅味道，個人覺得呢個甜度啱啱好，因為自己本身唔係飲得好甜，奶味亦都幾足夠。