Video
Read full review
2022-11-12
655 views
木系cafe HOW 進駐荃灣！呢間設落地大玻璃、採光度十足嘅cafe可說是近期大熱！新店一貫木系裝潢，全店最大嘅木桌特地選用本地「志記𠝹木廠」嘅木材，而其他傢俬都能夠從HOW買回家🛒新店空間感十足，窗邊位尤其舒適，除左有開揚景觀，更能感受到和煦嘅陽光。cafe以亞洲fusion菜為主，有香茅鮮檸白酒煮蜆、玄米茶泡菠菜芝士意大利雲吞、Thai pizza等多款特色菜~ 仲可以食到 @grandmas_scone 同 @onelovepastry嘅岀品▪️Thai Pizza $168食落又真係幾有泰式風情！薄餅加有香辣豚肉碎、白豆角、爽脆紅洋蔥、檸檬葉、金不換等多種配料。批邊脆到好似餅乾咁，餅底則帶點厚度 唔會薄到一張紙咁。整個微酸微辣，唔會話好重口味。加埋車厘茄食落唔會好乾，但批底又唔會太濕。▪️野菌喇沙蝴蝶粉 $158睇落平平無奇無乜味咁，但食落又真係幾重喇沙味喎！蝴蝶粉彈牙，裹有微辣嘅醬汁。特別鍾意索滿喇沙汁嘅豆卜，如果醬汁可以多啲又杰身啲 就更岩重口味人士嘅口味▪️天婦羅虎蝦慕絲棒 $88天婦羅外層香脆，內裡嘅虎蝦慕絲彈牙唔乾，蝦味突岀▪️大阪風薯條 $88薯條幼身香脆，上面淋左啲紫菜
新店空間感十足，窗邊位尤其舒適，除左有開揚景觀，更能感受到和煦嘅陽光。
cafe以亞洲fusion菜為主，有香茅鮮檸白酒煮蜆、玄米茶泡菠菜芝士意大利雲吞、Thai pizza等多款特色菜~ 仲可以食到 @grandmas_scone 同 @onelovepastry嘅岀品
▪️Thai Pizza $168
食落又真係幾有泰式風情！薄餅加有香辣豚肉碎、白豆角、爽脆紅洋蔥、檸檬葉、金不換等多種配料。批邊脆到好似餅乾咁，餅底則帶點厚度 唔會薄到一張紙咁。整個微酸微辣，唔會話好重口味。加埋車厘茄食落唔會好乾，但批底又唔會太濕。
▪️野菌喇沙蝴蝶粉 $158
睇落平平無奇無乜味咁，但食落又真係幾重喇沙味喎！蝴蝶粉彈牙，裹有微辣嘅醬汁。特別鍾意索滿喇沙汁嘅豆卜，如果醬汁可以多啲又杰身啲 就更岩重口味人士嘅口味
▪️天婦羅虎蝦慕絲棒 $88
天婦羅外層香脆，內裡嘅虎蝦慕絲彈牙唔乾，蝦味突岀
▪️大阪風薯條 $88
薯條幼身香脆，上面淋左啲紫菜同木魚絲，不過其實單食就無乜味~ 蘸埋旁邊附嘅燒汁同沙律醬，就真係有幾分大阪燒嘅感覺
▪️自家製玄米茶卷蛋 $48
自家製玄米茶卷蛋
$48
51 views
0 likes
0 comments
蛋糕綿密軟熟，略嫌彈性較低。中間嘅玄米茶cream軟滑，茶香突岀，甜度適中。麻糬口感則比較似鮮奶麻糬，個人就比較鍾意煙韌啲嘅質地~
▪️紅茶無花果蒙餅 $48
來自 @onelovepastry 的蒙餅~ 由一粒鬆餅 + 煙韌奶香麻糬 + 特製抹醬 組成~ 鬆餅感覺上無經翻熱，茶香較淡，欠缺鬆化口感，勝在唔會過於濕潤黏口。中間嘅麻糬為鬆餅增添左層次同口感，唯獨唔夠煙韌~
▪️Baby Cigar $78
見好多人推介呢款！果然值得一試！咖啡香濃帶淡淡朱古力味，比例岩岩好，味道十足平時嘅無酒精版tiramisu！上面擺左條手指餅，蘸一蘸再食，香脆不失咖啡香。入面仲加左啲煙煙韌韌嘅咖啡啫喱，整杯口感毫不單調，甜度仲無想像中咁高~
▪️Sunset $68
Orange juice / milk / Double espresso漸層超靚！不過呢個combo真係唔太岩口味
Post
