BBQ 7080 (Closed)

再次走進尖沙咀韓國街, 但今次穿越整條韓國街走到近佐敦的BBQ 7080.我和朋友在6點幾到達, 沒有人龍, 太好了!環境真係好有韓國地道餐館的感覺, 牆上的畫作十分精細, 生動又有趣!最欣賞坐的凳是空心的鐵筒, 可以打開蓋放個人隨身物品, 燒得都輕鬆D~剛坐下, 待應生便開始派給我們每人一客醃洋蔥絲和凍豆腐, 我都幾鍾意呢個餐前小食.有紙巾和濕紙巾, 方便用餐完畢的清潔工作~枱上還有自家製麵豉醬, 都幾好味, 淨食有點鹹.原本以為會有芝士粟米Refill, 但原來只有泡菜和豆角、芽菜和燒菇等小菜提供. (類似喜來稀肉喔)好彩泡菜都真係幾好食, 一開始微辣, 食食下都幾辣, 食番夠本,朋友們都在燒肉呢, 她們點了五花腩和豬脊肉, 食到律律有味~主食點了煎海鮮蔥餅, 雖然外型細, 但蛋漿好濃厚, 而且每一口都有海鮮的滋味口感! 不錯! 少辣~呢個水冷麵附有醋, 但我覺得唔係特別好食, 味道一般, 可能麵不夠凍.待應生很有禮貌, 而且會幫我們燒肉呢, 服務夠親切.愈食愈多人, 果然吸納不少忠實粉絲來撐場~