Video
Read full review
2016-05-28
2276 views
今日要過中環律師樓開會，難得出城仲要過海，梗係搵好野食啦！其實無咩 idea，去食金華肥美香甜蜜汁叉燒？羅富記鮮味蜆蚧綾魚球？九記濃郁清湯腩？勝香園特濃茄牛麵呢？最終決定快靚正，整個麥奀靚雲吞啦！係我人生中第二次幫襯，第一次已經係約八年前係 IFC Mikimoto 做既時候喇，行過黎近麻，以前仲有 90 分鐘 lunch 添。舊地重遊，員工轉晒、裝修變左晒、menu 都變晒，依家增設辣椒油同豉油供應。想當年只有浙醋架乍，無豉油、無辣椒油。而且係間非常傳統雲吞麵店，主力賣雲吞外，就只有鮮牛及菜芯。聽朋友講因為老祖宗麥奀已移民加拿大，依家剩返係香港既都只不過係特約經營，無任何血緣關係。雲吞麵大走蔥，依家有分大細碗喎，大蓉細蓉。細碗對我黎講真係得一啖，陰功。幫襯奀仔當然要食招牌雲吞麵啦，湯底飄香，隨著輕煙鑽到鼻孔中，醒神醒腦，食慾大增！淺嚐幾口湯先，清甜可口，濃濃蝦籽大地魚味道！再大力一啜，麵條全入口中，無敵的爽彈感，美味！一口雲吞細細粒容易食，貫徹始終幾十年保持最靚身形。依個 size 整粒啪落口，半點精華汁液都不浪費，全收嘴裡去！味道滿意不過咸，蝦爽重味，豬肉半肥瘦，口感不俗。整體質數
係我人生中第二次幫襯，第一次已經係約八年前係 IFC Mikimoto 做既時候喇，行過黎近麻，以前仲有 90 分鐘 lunch 添。
舊地重遊，員工轉晒、裝修變左晒、menu 都變晒，依家增設辣椒油同豉油供應。想當年只有浙醋架乍，無豉油、無辣椒油。而且係間非常傳統雲吞麵店，主力賣雲吞外，就只有鮮牛及菜芯。聽朋友講因為老祖宗麥奀已移民加拿大，依家剩返係香港既都只不過係特約經營，無任何血緣關係。
雲吞麵大走蔥，依家有分大細碗喎，大蓉細蓉。細碗對我黎講真係得一啖，陰功。幫襯奀仔當然要食招牌雲吞麵啦，湯底飄香，隨著輕煙鑽到鼻孔中，醒神醒腦，食慾大增！淺嚐幾口湯先，清甜可口，濃濃蝦籽大地魚味道！再大力一啜，麵條全入口中，無敵的爽彈感，美味！
一口雲吞細細粒容易食，貫徹始終幾十年保持最靚身形。依個 size 整粒啪落口，半點精華汁液都不浪費，全收嘴裡去！味道滿意不過咸，蝦爽重味，豬肉半肥瘦，口感不俗。
整體質數感覺上有點下滑，未到拍手位，更何況要叫好位呢！蝦爽中帶假，落鹽啤水有點過火，而且咸左少少。
以前麥奀係無牛腩架，今日有幸一試﹗奀仔的初牛，柱侯牛腩非常入味，香甜牛味濃，質感軟棉，幼滑細緻，輕嚼肉汁滔滔，估佢唔到好味道，出乎意料。傳聞因為老麥奀已移民兼退休，所以依家轉左手而加入左新原素。
牛腩雲呑撈麵走蔥，清湯帶濃厚蝦籽味道，大地魚味道同樣突出，落足料無欺場，無過咸又非常清香添喎。
一口雲吞保持高水準，蝦仁爽彈散發微弱鮮味，雖有一點點假爽感覺。豬肉香甜，甚至食唔到有肥豬肉，質感夠結實，皮薄餡靚，好好食 ﹗
鹼水麵有啤過水，異常地爽口，絕無半點鹼水味道，師傅有 heart，Good ﹗撈上香濃腩汁已經非常滋味，無需再添加任何調味料喇﹗不過我依個頑皮既辣友，不能不辣啦！
辣椒油做得不俗，香辣皆有，微辣中帶點甜美，滿意。初嚐奀仔辣椒油，只屬小辣味道，都幾香幾好味，味道算厚身，一試無妨。
可能我實在食量驚人，食個小小撈麵跟本滿足唔到我，一陣做完野要再補補倉先得。
牛腩雲呑撈麵走蔥
286 views
0 likes
0 comments
牛腩雲呑撈麵走蔥
211 views
0 likes
0 comments
牛腩雲呑撈麵走蔥
112 views
0 likes
0 comments
雲吞麵大走蔥
74 views
0 likes
0 comments
雲吞麵大走蔥
75 views
0 likes
0 comments
雲吞麵大走蔥
63 views
0 likes
0 comments
Post
