永合成餐廳餅店 (Moved) New Location

香港的小店越來越少，沒有畀自由行攻陷的更加少，所以一聽到還有小店便仆倒去，上環便還有一家「永合成」。 店內充滿歷史痕跡，不要以翠華的乾淨程度來比較，這叫風味，不滿便去翠華吧；沒有招呼。老闆娘的態度僅僅好過「九記」，這又叫有性格，不滿便去翠華吧。 一場來到是要吃煲仔飯，三個人叫咗窩蛋牛肉飯，鳳瓜排骨飯，其實size 唔算大，一個人絕對可以食一煲，但一場來到又想食他們的獨門「米通」，用米做的通粉，所以又叫咗個豬扒米通。 米通很特別，感覺好像腸粉放湯，係腍咗少少，豬扒炒得好香。 等呀等，煲仔飯來了，一打開個蓋，頂！ 隻蛋熟咗！說好的窩蛋呢？點呢？唔通叫佢換咩？照要囉！蛋汁得番三成，好過冇，牛肉是一絲絲，不是餅狀，鋪滿成煲飯，加豉油撈勻佢，放入口，咩煩惱都冇哂。價錢唔好以為好平，窩蛋牛肉飯＄53， 鳳瓜排骨飯＄60。 營業時間至下午四點，不做晚市。