Cobber Noodle and Waffle

Open Now

Now Closed

未到聖誕，未到聖誕，未到聖誕就可以同啲朋友食聖誕餐啦！今日朋友推介去咗一間主打窩芙嘅餐廳，正！全店已有聖誕的佈置，好有氣氛。有兩個用膳區，地方闊落，座位唔少。仲有牆上掛滿食品圖畫，極吸引我。食物有六個系列，包括意大利粉、薄餅、燉飯、小食、雪糕窩芙和窩芙。點了一份香口小食，炸芝士拼盤（$58）共有兩款，長形係拉絲芝士條；三角形係軟心芝士，外脆內軟，滿滿芝士香，芝士迷一定鍾意。我地揀咗一份日式明太子紫菜大蝦意粉（$138），全碟沾滿明太子忌廉醬，鹹鮮美味。多隻大蝦彈牙鮮味，好吃！奶油牛肉印度咖哩風味薄餅 (8"寸)（$118）口味特別！餅底脆脆地，面頭舖滿辣辣地嘅碎牛肉醬，加埋鹹香嘅芝士，好惹味！主打窩芙唔可以唔食啦！揀咗藍莓提子伯爵茶糯米窩夫配朱古力雪糕 （$92），賣相一流！伯爵茶糯米窩口感相當獨特，外微脆內黏糯，好好食！它本身有伯爵茶嘅幽香，再加埋伯爵茶醬，啖啖濃濃嘅茶香，好得！連香甜嘅朱古力雪糕和水果同食，滿足晒！熱焙茶鮮奶($44) 嘅畫花好精美，係好應節嘅聖誕公公，靚！充滿焙茶甘香，味道濃郁，但不苦澀，好飲！