Chef's Stage Kitchen (西菁街)

Open Now

Now Closed

今日同老婆仔女去街街，推住個仔行下元朗，行到攰就揾左間pet friendly餐廳食個晚餐。因為有竉物關係，所以坐左外面，餐廳放左好多部風扇，完全唔怕夏天會好熱。前菜我哋點左個墨西哥玉米脆片，上面有酸忌廉同牛油醬，配上焗到香脆既粟米片，相當惹味，不過今次焗耐左少少，有啲扣分。主菜叫左炭燒穀飼澳洲肉眼牛扒，餐包同餐湯都好出色，餐包有三種麵包，有脆口有軟淋，搭配香草牛油食，餐湯係薯仔培根湯，每匙都係香濃既薯仔味，加上培根脆粒既調味，的確係飲完一碗都唔夠喉。肉眼扒上佈滿燒烤紋，肉質有口感又唔會咬唔開，每一口都係炭燒味同濃濃肉味，廚師都做到五成熟既要求，值得一讚。另外我哋叫左炭燒手打美國安格斯車打芝士漢堡伴脆洋蔥圈，洋蔥圈脆香唔會太多油，而且配菜仲有橄欖同酸青瓜解膩，漢堡肉味濃而且有炭香，配上生菜蕃茄呢個黃金組合點會唔好食。餐廳店員既服務態度都係一亮點，每一個都好友善招呼我哋成家，仲好鐘意我哋個仔，成晚食得好舒服，適合有竉物人士光臨。