Video
Read full review
2018-07-17
404 views
從來無諗住呢條咁街坊既小街會開cafe，附近都係啲平民價既餐廳、髮型屋同寵物店，cafe好似同成個小區個氣氛都格格不入，但意外地做得唔錯，好幾次行過都無位，終於有一日係少人啲可以去試下。裝修唔係話好特別，燈光都偏暗，而且啲櫈都唔算坐得好舒服，但係呢個位都做得住一定有佢既魅力既。首先就緊係佢杯咖啡啦，我地叫左Latte, Mocha, Cappuccino，Cappuccino嗰杯係加錢轉左燕麥奶，我覺得三杯都唔錯，燕麥奶同咖啡隻味都幾夾，不過好似要加$8有啲貴，但我本身腸胃唔好，飲牛奶個胃容易唔舒服，轉左燕麥奶個情況真係改善左，我無留意其他cafe有無得轉奶，但呢間可以轉唔係牛奶都幾好。而價錢方面都算合理，雖然有啲細杯，但咖啡呢啲野係貴精不貴多架麻。😂我覺得隱啡除左杯咖啡之外，店員亦係另一大加分位。首先落單既時候，有別於一般cafe落完單就走，隱啡既店員係會介紹一下杯咖啡，又會問下我哋想要咩豆，如果唔係好識既話，佢哋會推薦你邊隻咖啡要用邊種豆，又會介紹下隻豆既產地，係屬於咩口味等等。雖然我已經唔係好記得，但聽完再飲都好似慢慢學到啲野咁，唔似平時連鎖店嗰啲飲完都唔自己飲左乜。另外，店內有
我覺得隱啡除左杯咖啡之外，店員亦係另一大加分位。首先落單既時候，有別於一般cafe落完單就走，隱啡既店員係會介紹一下杯咖啡，又會問下我哋想要咩豆，如果唔係好識既話，佢哋會推薦你邊隻咖啡要用邊種豆，又會介紹下隻豆既產地，係屬於咩口味等等。雖然我已經唔係好記得，但聽完再飲都好似慢慢學到啲野咁，唔似平時連鎖店嗰啲飲完都唔自己飲左乜。另外，店內有屯門既報紙寫屯，又有啲社區活動既單張，作為屯門人我以前都唔知原來有啲咁既野，呢間店嗰種同區既連結令我感受到我地都係屯門區既一份子，感覺好親切。😊
而且店內有賣好多咖啡用具，我同店員傾計既時候得知，原來呢間鋪之前係大興工業區嗰邊開，主要係賣咖啡用品，之後好多客都話想佢地開返間cafe，所以就有左依家既隱啡，唔怪之得開張無耐就成日坐滿人啦，原來好多都係以前既客。
整體黎講cafe既環境一般，但咖啡同店員既高質已經彌補返環境既問題，如果下次有位，我都想再幫襯。😄
Mocha
30 views
0 likes
1 comments
杯杯都有唔同既拉花，好有心。個杯墊都好靚。😀
Post
