玩具屋

Open Now

Now Closed

呀！係遺失已久嘅童真呀，本麻甩已同童年有好遠嘅距離，當我行入玩具屋時，牆上滿滿嘅動漫海報，超多日式懷舊玩具嘅擺設，整個童年回憶返晒黎！♦️ 前菜兩款山葵八爪魚同埋螢光魷魚都係高質地存在，由食材本身新鮮到調味都令人好開胃！♦️塩燒大啡菇菇味大爆發，配合埋生薑蓉估唔到可以咁夾！♦️宮崎丸美豚肉紫蘇串豚肉燒到外皮香脆，入面鮮嫰，咸香嘅紫蘇醬將豚肉風味提升不少！♦️北九州蠔除咗北九州嘅蠔本身真係超好食，燒蠔嘅時間火候都真係剛剛好，勁正！♦️ 喜之次一夜乾一夜乾嘅手法將魚嘅香味精華濃縮，再配合頂級嘅燒烤，真心係我成晚最感動嘅！♦️月見蟹味噌甲羅燒同我食過嘅甲羅燒有啲唔同，雖然蟹膏唔多，但流心蛋、蟹肉、味噌夾出黎，配埋法包食又係另一個享受！♦️鴨舌七味煮惹味香口，帶有少少辛辣嘅湯汁，令鴨舌超正！♦️九州香草餵雞翼去親串燒必須點雞翼，雞翼超大隻，油香豐富，火路均衡，令人回味！♦️燒飯團選擇了明太子味，上面有兩大舊燒香的明太子，飯團燒得勁好，就好似有無窮飯焦包住舊飯咁，我可以食十個！♦️牛舌牛舌燒到外皮焦硬有咬口，但裡面仲係好腍，剛剛熟，呢種燒法又令佢到達另一層次！。♦️鯛魚湯整餐以一個超香濃鯛魚湯作結，此湯用心製作，鯛魚