公主 (Closed)

地方唔算好大，分開左兩邊area，但裝潢擺設好有童話公主感覺~單單見個玫瑰餐巾已經夠一眾港女大叫：好靚呀~~餐包微暖，加上自家製欖形牛油，好的色，牛油有特別調味，好香好好食，我食曬一粒仲問佢地要多粒tim! 靚女店主兼主廚好細心咁同每位客人講解每道菜式既煮法同材料，有窩心既感覺，好有高級餐廳既feel前菜是香煎椰菜花配醋漬葡萄伴薄荷油，上面係乾的椰菜花，下面就係煎過的。椰菜花雖煎香，但因為浸住係蘋果醋度，味道偏酸，所以只食到煎既香味，冇脆既感覺。慢煮八爪魚是利用小鍋慢煮6小時，唔怪得一D都唔UM啦，仲好入味。南瓜湯好推介!好creamy，好甜，撈埋側邊既水欖一齊飲，有多重口感。煎深海鱸魚，冇加其他，只用海鹽作調味，感覺好健康。加上蒜頭波菜同朝鲜蓟balance返個味。野菌松露忌廉闊條麵就味濃左D，可能因為太多cheese，黑松露既味被cheese味遮蓋，失色不少，幸而放左好多野菌，增添返個香味。甜品係佢地既signature高跟鞋形士多啤梨乳酪雪芭，配上唔同既莓，好fresh，正好清一清味蕾。走時見到佢地有自家曲奇，店員話like 左佢地facebook就送一小盒，雖然係送，不過包裝都