春芳號 (裕民坊YM²)

Open Now

Now Closed

早放工經過裕民坊，搭車返屋企之前去春芳號買嘢飲比屋企人做下午茶🫖 發覺佢個多士 set with drink 感覺都幾抵，無論加咩嘢飲，都係均一定價，感覺幾抵玩。於是我叫左3個sets 三個set 自中、我覺得最好食係芋泥芝士🧀 芋泥味道大概係微甜，但裏面嘅芝士就有少少鹹味，兩者配搭都算幾襯。另外我覺得紅豆肉鬆都唔錯，都係差唔多嘅鹹甜配搭，加屸肉鬆其實都幾百搭。野飲上百香果蘆薈蜜都幾解渴，微甜都算ok 我喺屋企飲完一半之後又再加啲熱水落去都ok另一杯幾好飲嘅叫做豆花奶茶，係新出嘅。奶茶味甜感覺都幾正常，甜度有啲似茶餐廳凍奶茶少甜。在於奶茶加入豆腐花，粗飲管插到落底可以啜到，感覺有啲似食緊奶茶奶凍。