Video
Read full review
2021-12-17
581 views
滿心歡喜諗住嚟食個brunch，點知咩都食唔到之餘仲一肚氣。11點47分落咗一個all day breakfast，一個吐司，同一杯long black（跟餐+$15），坐咗喺bar枱位望住個廚房位，大概十分鐘就上咗杯咖啡。可能係自己偏好nutty啲啦，覺得嗰杯long black酸到冇朋友。期間廚房入面4個職員，1個猛咁煎雞扒，煎完一輪又一輪，1個就專心咁hand drip緊，1個就企cashier，最後一個就睇唔到做緊咩嘞。然後坐到12點05分都未有任何嘢食嚟，亦未見到有人準備我哋份早餐嘅跡象。卒之有個似係店長/老闆嘅人走埋嚟話因為啱啱係早餐同午餐交接嘅時間，所以要等耐少少。其實都唔太明究竟有咩關係，整個早餐同吐司要等啲咩，不過都算啦唔等都等咗咁耐。然後12點10分嗰個疑似店長再走埋嚟話可能仲要再等多陣，如果趕時間可以退錢。由於都趕時間，咁就問佢要等幾耐啦，佢竟然答要等10至15分鐘。真心唔明發生咩事由落單起竟然要大半個鐘先有得食，期間廚房啲人做緊咩呢？好啦最終退錢走人，杯long black仲收返正價錢...雖然的確係飲咗佢杯long black，在理上係絕對冇問題的，但在情上店
11點47分落咗一個all day breakfast，一個吐司，同一杯long black（跟餐+$15），坐咗喺bar枱位望住個廚房位，大概十分鐘就上咗杯咖啡。可能係自己偏好nutty啲啦，覺得嗰杯long black酸到冇朋友。期間廚房入面4個職員，1個猛咁煎雞扒，煎完一輪又一輪，1個就專心咁hand drip緊，1個就企cashier，最後一個就睇唔到做緊咩嘞。
然後坐到12點05分都未有任何嘢食嚟，亦未見到有人準備我哋份早餐嘅跡象。卒之有個似係店長/老闆嘅人走埋嚟話因為啱啱係早餐同午餐交接嘅時間，所以要等耐少少。其實都唔太明究竟有咩關係，整個早餐同吐司要等啲咩，不過都算啦唔等都等咗咁耐。
然後12點10分嗰個疑似店長再走埋嚟話可能仲要再等多陣，如果趕時間可以退錢。由於都趕時間，咁就問佢要等幾耐啦，佢竟然答要等10至15分鐘。真心唔明發生咩事由落單起竟然要大半個鐘先有得食，期間廚房啲人做緊咩呢？
好啦最終退錢走人，杯long black仲收返正價錢...雖然的確係飲咗佢杯long black，在理上係絕對冇問題的，但在情上店家方面冇誠意冇道歉冇跟進冇處理就唔會再有下次了。亦令我打咗第一篇open rice食評。：）
Post
