Video
Read full review
2023-04-17
3272 views
第一次寫食評，無諗過係因為一次不愉快嘅經歷，同阿姐講話要碟頭飯加一碗例湯。佢問我要咩湯，心諗，原來例湯都有得揀咁好？咁就跟佢問嘅再揀。我問佢係咪加$10。佢就咁講左一次$46。嗯 係碟頭飯$46蚊定係湯加碟頭飯都係$46咋？都無所謂啦，係都係加$10。結果上菜係一大盤湯加一碗白飯。下？我要碟頭飯加一碗例湯窩。咪同上菜阿姐講我唔係要黎樣。我以為佢比錯我，咪同佢講返。之後佢收左碗白飯，換碟頭飯比我。然後個落單阿姐見到，話：‘佢係要呢樣啊’。我同佢講我要碟頭飯加湯，唔係呢大盤湯。我都無可能食得晒一大碟碟頭飯加一個盤嘅湯。然後我問呢盤湯幾錢，佢話$46。 下，$46？一開始問你係咪加$10，原來你話$46係咁解？跟住我同佢講你無同我講清楚到係呢盤湯$46。佢係唔同檯好大聲咁手舞足蹈咁話：‘我講左好多次$46啦，連隔離個鬼佬唔識中文都聽到啦‘。個下真係好嬲，鬼佬唔識中文都聽到你又知？之後佢大大聲補多句：‘你女仔人家唔可以咁講野噶！’ 當下真係想拍檯走人，我又無講粗口鬧你，你點解要咁樣屈我搞到周圍啲人以為我對你動粗呢？好委屈，個下有啲想流馬尿，但係唔可以咁樣衰，係個阿嬸面前喊。局住道氣，食左碟頭飯
結果上菜係一大盤湯加一碗白飯。下？我要碟頭飯加一碗例湯窩。咪同上菜阿姐講我唔係要黎樣。我以為佢比錯我，咪同佢講返。之後佢收左碗白飯，換碟頭飯比我。然後個落單阿姐見到，話：‘佢係要呢樣啊’。我同佢講我要碟頭飯加湯，唔係呢大盤湯。我都無可能食得晒一大碟碟頭飯加一個盤嘅湯。然後我問呢盤湯幾錢，佢話$46。 下，$46？一開始問你係咪加$10，原來你話$46係咁解？跟住我同佢講你無同我講清楚到係呢盤湯$46。佢係唔同檯好大聲咁手舞足蹈咁話：‘我講左好多次$46啦，連隔離個鬼佬唔識中文都聽到啦‘。個下真係好嬲，鬼佬唔識中文都聽到你又知？之後佢大大聲補多句：‘你女仔人家唔可以咁講野噶！’ 當下真係想拍檯走人，我又無講粗口鬧你，你點解要咁樣屈我搞到周圍啲人以為我對你動粗呢？好委屈，個下有啲想流馬尿，但係唔可以咁樣衰，係個阿嬸面前喊。局住道氣，食左碟頭飯上面啲餸，之後比錢，走人。離開呢間野5公里後先流下委屈嘅眼淚。
食物對我黎講係快樂嘅泉源，午飯時間離開辦公室抖氣，無論係幾十蚊嘅一碗牛腩河定係百零蚊一餐，我都覺得好滿足好快樂。
但今日我終於明點解有啲人唔會去食啲平民或平野，因為某啲地方有時服務態度差/啲侍應差，食飯變左係貼錢買難受。
75 views
0 likes
0 comments
Post
