Video
Read full review
2024-06-02
82 views
其實我好鍾意食印度菜㗎，對我嚟講印度菜係又好味又神秘嘅菜式，因為對佢嘅認識唔多，只係知道佢哋會加入好多嘅香料去製作。而機緣巧合下，就去咗人生第一次去嘅重慶大廈，去食印度菜。😋🧡芝士薯仔餡煎餅Cheese Masala Dosa $98除咗薯仔餡，入邊仲有洋蔥同豆類，配咗兩種唔同嘅醬料，一隻係奶味比較重有少少椰絲喺入邊嘅，味道比較甜，另外一隻就係鹹鹹地有少少辣味，餡餅會配一碗豆湯，豆湯口味比較辣，同埋有浸胡椒香氣。🧡乳酪脆米球Dahi Poori $78我好鍾意食呢個㗎，一個圓轆轆嘅脆米球，入邊放滿薯仔乳酪紅石榴等配料，一咬爆漿嘅感覺，實在太驚喜啦，個人好推介食呢一款菜式。🧡牛油烤雞Butter Chicken $118微辣嘅牛油烤雞，辣辣地有浸奶味嘅咖喱，配埋NA A N非常夾！簡直係絕配！雞肉嘅份量都幾多，嫩滑唔嚡口。🧡蒜蓉烤餅 Garlic Naan $30呢個係咖喱嘅好朋友，上邊有啲蒜蓉同牛油，外皮比較脆入邊有少少煙靭嘅感覺。🧡印度番紅花杏仁雪糕Kesar Kulfi$58呢個我好欣賞！一開頭嚟到見到點解一粒粒三角形，以為係菠蘿，點知一食落口，好重煉奶味，又有啲脆杏仁喺入邊，我好
🧡芝士薯仔餡煎餅Cheese Masala Dosa $98
除咗薯仔餡，入邊仲有洋蔥同豆類，配咗兩種唔同嘅醬料，一隻係奶味比較重有少少椰絲喺入邊嘅，味道比較甜，另外一隻就係鹹鹹地有少少辣味，餡餅會配一碗豆湯，豆湯口味比較辣，同埋有浸胡椒香氣。
🧡乳酪脆米球Dahi Poori $78
我好鍾意食呢個㗎，一個圓轆轆嘅脆米球，入邊放滿薯仔乳酪紅石榴等配料，一咬爆漿嘅感覺，實在太驚喜啦，個人好推介食呢一款菜式。
🧡牛油烤雞Butter Chicken $118
微辣嘅牛油烤雞，辣辣地有浸奶味嘅咖喱，配埋NA A N非常夾！簡直係絕配！雞肉嘅份量都幾多，嫩滑唔嚡口。
🧡蒜蓉烤餅 Garlic Naan $30
呢個係咖喱嘅好朋友，上邊有啲蒜蓉同牛油，外皮比較脆入邊有少少煙靭嘅感覺。
🧡印度番紅花杏仁雪糕Kesar Kulfi$58
呢個我好欣賞！一開頭嚟到見到點解一粒粒三角形，以為係菠蘿，點知一食落口，好重煉奶味，又有啲脆杏仁喺入邊，我好鍾意食呢一個🤩
食評總結：好好食嘅印度菜，搞到我最近都想了解一下印度菜式嘅歷史，尤其係甜品方面，服務員好有禮貌，都會好熱情問你鍾意食啲乜嘢。👍
1 views
0 likes
0 comments
3 views
0 likes
0 comments
1 views
0 likes
0 comments
2 views
0 likes
0 comments
1 views
0 likes
0 comments
Post
