Video
Read full review
2014-08-24
3923 views
和男朋友原本到別家的放題店但由於太多人要等一段時間，於是就到了兆萬搵食！ 一到兆萬咁多款式都唔知揀邊間好，好多間都未試過，見好多人派傳單，眼花撩亂的情況下，拎著傳單對比下就揀左呢間價錢中上，仲送海膽的就試下。 入到門口應該是老闆的男人問「兩位？」我地答「係！」就一手搶我地的傳單飛左係櫃面就帶我地入去。一入去都心知不妙，因為7：30的時間依然有大半間鋪無人坐，所以期望唔太大。 帶到我地係位，係一張全鋪最角落打對面坐的細枱，對隔離同樣坐住一對年紀小的情侶，其實一坐低我都覺得私隱度不夠，其實係似一張四人枱間開一樣，同人地枱的距離根本半格階磚都無，我地我男朋友講野都細細聲，大聲又比人聽倒，細聲又聽唔倒，隔離對情侶仲成日好八卦咁望住哂，好唔舒服。 之後我地就開始嗌野食，因為佢係日本+泰國菜放題，兩者的款式都不太多，但合併來說都可以接受的。 一開始已經落單了一些刺身和泰國菜的炸物，日本菜的八爪魚，三文魚，甜螺，都可以，另外鮑片是甜甜的，但不似鮮甜，似浸過糖水的甜，但由於我對此要求不太高，因此都無太多反感。希靈魚其實我對他研究不太大，但我去過多間放題店食希靈魚都係黃色的，但和味館的是橙色的
和男朋友原本到別家的放題店但由於太多人要等一段時間，於是就到了兆萬搵食！
一到兆萬咁多款式都唔知揀邊間好，好多間都未試過，見好多人派傳單，眼花撩亂的情況下，拎著傳單對比下就揀左呢間價錢中上，仲送海膽的就試下。
入到門口應該是老闆的男人問「兩位？」我地答「係！」就一手搶我地的傳單飛左係櫃面就帶我地入去。一入去都心知不妙，因為7：30的時間依然有大半間鋪無人坐，所以期望唔太大。
帶到我地係位，係一張全鋪最角落打對面坐的細枱，對隔離同樣坐住一對年紀小的情侶，其實一坐低我都覺得私隱度不夠，其實係似一張四人枱間開一樣，同人地枱的距離根本半格階磚都無，我地我男朋友講野都細細聲，大聲又比人聽倒，細聲又聽唔倒，隔離對情侶仲成日好八卦咁望住哂，好唔舒服。
之後我地就開始嗌野食，因為佢係日本+泰國菜放題，兩者的款式都不太多，但合併來說都可以接受的。
一開始已經落單了一些刺身和泰國菜的炸物，日本菜的八爪魚，三文魚，甜螺，都可以，另外鮑片是甜甜的，但不似鮮甜，似浸過糖水的甜，但由於我對此要求不太高，因此都無太多反感。希靈魚其實我對他研究不太大，但我去過多間放題店食希靈魚都係黃色的，但和味館的是橙色的，而且吃落口有點硬，似係雪左好耐拎出黎一樣。
另外值得提大家的是，我地碟刺身(見圖)其實唔係食左好耐，大概十五分鐘倒，原本都無為意，但類似老闆的員工行過同我地講「刺身快點食喇，唔係d冰溶哂就唔好食！」我地先發現原來d冰原來開始溶到變水浸住左少少刺身，其實只係大概十五分鐘，到底係我食得太耐定係果度既冰非一般咁快地溶，如果大家有機會或已經遇過我的情況，可以自己分析下。
至於泰式炸物，炸芋蝦炸蠔等，就一般無咩特別，亦無值得一提之處。成疊點食紙入面唯一一樣要加錢食的就係加$1蒜茸蒸帶子，咁食放題都要加錢的食物，當然令好奇心旺盛的我地叫左兩隻，味道其實唔差，但平平無奇，係一般食肆應該要有既質素黎，至於如果該店連果$1都要賺，其實我建議一係大家唔好嗌，一係老闆係菜單cancel呢樣食物。
我打呢篇食評的主要原因來了，亦都係影響我食呢一餐既致命原因，其實我無計過亦都唔記得我嗌左幾多野，但主要我入到黎嗌左兩轉野食，第一轉就係上文有講的刺身加泰式炸物同飲品，我地差唔多食完第一轉既時候已經叫定第二轉，但落單到大概半粒鐘一樣野都無黎過，如果大家有去過的話一定會見倒個員工奇景，就係佢地好似好忙，無員工偷懶，但係你再仔細望，每個員工雖然好忙，但係佢地既餐盤只係得一兩樣細碟的食物......奇怪的是一間放題店，想一定係因為好忙所以行黎行去，但樓面員工就似得四五個既時候，你地仲一人拎一兩碟野，咁唔怪得要等咁耐，呢度係我食咁多次放題，等食時間最長的一間，仲要d員工好散慢，就算我想催單都搵唔倒staff，最慘係口渴落左野飲都無，我未試過食放題唔係太飽而係太口渴。係呢個情況我地連員工都搵唔倒，我地更加無催單，我地都亦相信落過的單都唔會黎，我地嗌第三轉，只係嗌左d辣皮蛋，炸物，串燒一碟泰式豆角同野飲。野飲最後有黎但我地既口渴程度已經到左最高點，食物未到我地已經失望同唔耐煩到埋單，（未講返係食野45分鐘已經last order)嗌埋單後，先有一兩碟嗌左好耐既食物出現，特別在埋單先會比甜品紙，放枱面上的甜品紙係無的。
最後甜品同我地埋果張單同時間黎，而碟炒豆角就係我地食完甜品預備走果刻黎。好心啦，單都埋感我寧願你唔好黎，你咁既時候黎我寧願你唔黎我都無咁慶！而傳單上話送的海膽我地失望同記得都無嗌，真係第一次食放題食到廢事食，我地寧願唔食，大好心情就此瓦解。
唯一一樣讚的地方就係地下算放題店之中清潔，無痴笠笠。
忠告大家，其實價錢一般，閒日星期一至五要$180/1位加一，如果唔係尋求太平的話，多幾十蚊可以搵質素好點的餐廳，因為我真係第一次食放題唔飽。
Post