花小椒 (Closed)

上禮拜六去黃金買嘢，係附近搵餐廳，發現左呢間好有特色既餐廳。第一次嘗試，我點咗招牌盤盤幹拌麻辣燙，加埋風琴豆腐、肥牛、午餐肉、娃娃菜，麵底就揀咗火鍋寬粉😉幹撈麻辣燙香辣味道真係好正。佢哋加咗啲蒜蓉同辣椒粉，更加提升咗味道。我真係好鍾意食辣嘢，所以呢個辣度對我嚟講剛剛好，夠辣夠濃郁。加埋風琴豆腐，佢口感嫩滑，吸收咗湯底嘅味道，好好食。肥牛都好新鮮，煮熟之後，仲保留住肥牛嘅鮮味同脆度，每一口都好滿足😍午餐肉即使係燙過之後仲保持住佢嘅彈牙口感同香味。娃娃菜同麻辣湯底一起燙煮，口感好特別，更加增加咗菜式嘅層次感😛至於麵底，我揀咗火鍋寬粉，粉條都好彈牙，吸收咗湯底嘅味道，好滑而且有咬勁🥰🥰花小椒菜式幾豐富，下次再黎試下其他嘢食😋