象泰 (Closed)

泰國美食真係成日令我念念不忘，所以最近就去左「象泰」食泰國菜。泰式飛天炒通菜，通菜好新鮮、口感幼嫩，飛天口味嘅咸鮮味道令通菜食落好香口。油飯，粒粒分明，幾有油香，味道正宗。象泰去骨海南雞配油飯，雞肉滑嫩多汁，去骨嘅做法食落啖啖肉、好滿足。網包鮮蝦炒金邊粉，金邊粉炒得夠乾身，味道酸甜，鮮蝦彈牙、爽口，雞蛋被製成網狀包裹住金邊粉，外型好精美、適合打卡。泰式生海蝦6隻，生海蝦肥美肉厚、鮮甜，蒜頭、薄荷葉都有配備，因已預先浸入醬汁，所以食落比較入味，橙色醬汁偏酸微辣，綠色醬汁偏辣微酸、較為惹味。泰式酸辣鳳爪沙律，無骨鳳爪味道酸辣均勻，淋上泰式魚露酸醋，配上木瓜絲、西芹、洋蔥、蕃茄等等食用，味道好清新。象泰芒果椰汁糯米飯，糯米飯採用紫米製成，味道比平常食到嘅更特別，椰汁唔算好甜、無掩蓋左芒果嘅鮮甜味道，以件裝擺盤方便大家Share。碧深映紅，天然紅肉火龍果芝士奶蓋沙冰飲品，味道清甜、帶芝士咸香。青檸梳打，會連埋原枝梳打水送上，可按個人需要加入至青檸汁，整體飲落好清爽。