阿土伯鹽水雞 (東廣場)

Open Now

Now Closed

今日去勁多人介紹嘅平民食堂東廣場。行左一個圈，其實啱食嘅舖頭唔多，又唔係話特別平架。我都係第一次食鹽水雞，非常之好食，雞唔係好好味，但加埋啲配菜同香料粉係超好食。成份鹽水雞都係靠香料粉去掉起味道，如果冇的話就完全唔知自己食緊啲乜。我地揀左一人餐，配菜揀左金針菇、青瓜同豆卜。豆卜超吸味，撈完唔係好耐都可以咁入味。青瓜超級脆口，好清新，呢個係必選，食涼拌一定要有青瓜。金針菇係令成碗鹽水雞更加有口感！鹽水雞只係靠味精去吊味，所以係好濃味，而且係比較咸。食完係勁口渴，一定要飲水。今次食鹽水雞有驚喜，下次黎都會再幫襯。不過啲姐姐仔傾計時細聲啲就好喇，佢地真係傾得好大聲好嘈同好煩。