嗱喳街 (Closed)

忽發想食嗱喳麵，上Openrice搵，見佢叫<嗱喳街>咁得意，跟男友決定去搵路一試。由街頭行到街尾都搵唔到，原來已經改左名，雖不清楚係轉左手定轉左名，但一場黎到，都入去食啦。一入到去，發現裡面裝修都無變，唯老板提醒無賣車仔面，只有十幾款食品。印象中，餐牌有-南乳豬手飯-卡邦尼意粉@-雞翼米粉@-喇沙河粉-黑椒雞脾飯等等…我地揀左有@果兩個。卡邦尼意粉先上，香味十足，意粉軟硬適中，唯味道食落不夠濃雞翼米粉我轉左米線，一上枱第一反應係，好大碗！雞中翼四隻，生菜四大塊，冬菇兩隻，蘿蔔五舊！完全感覺到以前賣車仔麵既風味！好似叫左四餸咁多！餸既味道都好好，唯湯有點太油。最後加了一份梳乎厘，剛開始見賣$68覺得有啲貴，上枱時便知物有所值！除了梳乎厘，有益力多糕，雪糕同埋cookies！好味+賣相好！