hōmu by favilla (Closed)

去愉景新城朋友家，朋友話唔想煮飯，我地就在愉景新城內隨意找間餐廳。朋友話試過呢間的早餐，覺得麻麻，不過未試過晚餐，咁我都未試過，於是試一試。叫左4個餐+1款小食。送既餐湯算是用心，味道不錯。第一款德國咸豬手，算是幾大隻同多肉（比我之前試過的幾間），配菜的味道都合乎港人口味，肉質不錯、幾香。第二款是蒲燒鰻魚滑蛋飯，好味丫，鰻魚的香味好吸引，飯既量就一般，男士未必夠食。第三款是牛油果醬大蝦螺絲粉，這個份量偏少，部分螺絲粉有點硬。第四款吉列豬扒，有驚喜，好香、肉汁豐富，連我一向唔多鍾意吉列野既人都覺得讚。最後是買俾小朋友的三色蕃薯條，味道尚可，是可能放耐左，有點軟身。整體價錢算是偏貴，味道搭救，最無奈是明明佢有寫外賣8折，我離開荃灣後先醒起佢無俾折我，即刻覺得唔抵。大家記得睇清楚有無優惠丫。